ഒമാനെതിരെയുള്ള ഏകദിന പരമ്പരയിൽ കേരളത്തിന്‌ ജയം. ഒമാൻസ് ചെയർമാൻസ് ഇലവനെ 78 റൺസിനാണ് കേരളം തകർത്തുവിട്ടത്. മത്സരത്തിൽ ആദ്യം ബാറ്റ് ചെയ്ത കേരളം എട്ട് വിക്കറ്റ് നഷ്ടത്തിൽ 295 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ ഒമാൻ ഇന്നിങ്സ് എട്ട് വിക്കറ്റ് നഷ്ടത്തിൽ 219 റൺസാണ് നേടിയത്. 

സെഞ്ച്വറി നേടിയ രോഹൻ കുന്നുമ്മലാണ് കേരളത്തിന്‌ വേണ്ടി തിളങ്ങിയത്. 95 പന്തിൽ 130 റൺസാണ് രോഹൻ നേടിയത്. 18 ഫോറുകളും മൂന്ന് സിക്സുകളും അടങ്ങുന്നതായിരുന്നു താരത്തിന്റെ ഇന്നിങ്‌സ്. മുഹമ്മദ്‌ അസ്റുദീൻ അർദ്ധ സെഞ്ച്വറി നേടിയും തിളങ്ങി. 88 പന്തിൽ 78 റൺസാണ് താരം നേടിയത്. ആറ് ഫോറുകളാണ് താരം നേടിയത്. 

കേരളത്തിന്റെ ബൗളിങ്ങിൽ ബേസിൽ നെടുമങ്കുഴി പൗലോസ് മൂന്ന് വിക്കറ്റുകൾ നേടി തകർപ്പൻ പ്രകടനം നടത്തിയപ്പോൾ ഒമാൻ തകരുകയായിരുന്നു. ബിജു നാരായണൻ പിള്ള രണ്ട് വിക്കറ്റുകളും ഗോവിന്ദ് ദേവ് ദിലീപ് ഒരു വിക്കറ്റും നേടി. 

ഒമാന് വേണ്ടി ജിതേന്ദർ സിങ് അർദ്ധ സെഞ്ച്വറി സ്വന്തമാക്കി. 56 പന്തിൽ എട്ട് ഫോറുകൾ ഉൾപ്പടെ 60 റൺസാണ് ജിതേന്ദർ സിങ് നേടിയത്. സൂഫിയാൻ മെഹമൂദ് 69 പന്തിൽ 49 റൺസും മുജീബ് ഉർ അലി 66 പന്തിൽ 40 റൺസും നേടി മികച്ച ചെറുത്തുനിൽപ്പ് നടത്തിയെങ്കിലും ടീമിനെ വിജയത്തിലെത്തിക്കാൻ സാധിക്കാതെ പോവുകയായിരുന്നു. 

ഒമാന് വേണ്ടി ഹുസ്നൈൻ അലി ഷാ അഞ്ചു വിക്കറ്റുകൾ നേടി തിളങ്ങി. സുഫ്യാൻ മെഹ്മൂദ് രണ്ട് വിക്കറ്റും സമയ് ശ്രീവാസതവ ഒരു വിക്കറ്റും നേടി. 

Kerala Cricket Team Beat Oman Chairmans XI