ദുബൈ: യുഎഇയിൽ ഉടനീളം താപനില ഉയരുമെന്ന് നാഷണൽ സെന്റർ ഓഫ് മെറ്റീരിയോളജി (എൻസിഎം) മുന്നറിയിപ്പ് നൽകിയിട്ടുണ്ട്. സോഷ്യൽ മീഡിയയിൽ പങ്കുവെച്ച ഏറ്റവും പുതിയ കാലാവസ്ഥാ അപ്ഡേറ്റിൽ, പൗരന്മാർ ആവശ്യമായ മുൻകരുതലുകൾ പാലിക്കണമെന്ന് കാലാവസ്ഥാകേന്ദ്രം നിർദേശിച്ചു. 

ഉൾപ്രദേശങ്ങളിൽ, പ്രത്യേകിച്ച് അൽ ഐനിലെ ചില പ്രദേശങ്ങളിൽ, രാജ്യത്തെ ഏറ്റവും ഉയർന്ന താപനില അനുഭവപ്പെടുന്നുണ്ട്. കഴിഞ്ഞ ആഴ്ചകളിൽ, പരമാവധി താപനില 38°C മുതൽ 45°C വരെയാണ്.

കൂടാതെ, രാത്രിയിൽ ഈർപ്പം വർധിക്കുന്നത് രാവിലെ മൂടൽമഞ്ഞിന് കാരണമാകും. കാലാവസ്ഥാ കേന്ദ്രത്തിന്റെ പ്രവചനമനുസരിച്ച്, ചൊവ്വാഴ്ച മുതൽ വെള്ളിയാഴ്ച വരെ മിക്ക പ്രദേശങ്ങളിലും താപനില 40 മുതൽ 45°C വരെ ആയിരിക്കുമെന്ന് പ്രവചിക്കപ്പെടുന്നു. ചൂടിനെ ചെറുക്കാൻ, നിവാസികൾ ജലാംശം നിലനിർത്താനും, സൂര്യപ്രകാശം കൂടുതലുള്ള സമയങ്ങളിൽ കഠിനമായ പ്രവർത്തനങ്ങൾ ഒഴിവാക്കാനും, സൺസ്‌ക്രീൻ പുരട്ടാനും, സംരക്ഷണ വസ്ത്രം ധരിക്കാനും കാലാവസ്ഥാകേന്ദ്രം നിർദ്ദേശിച്ചു. 

നാളെ (ഏപ്രിൽ 29) മിക്കവാറും നല്ല കാലാവസ്ഥയാകുമെന്ന് പ്രതീക്ഷിക്കുന്നു, ചില സമയങ്ങളിൽ ഭാഗികമായി മേഘാവൃതമായിരിക്കും. തീരപ്രദേശങ്ങളിലും ഉൾനാടൻ പ്രദേശങ്ങളിലും ശരാശരി താപനില 44°Cൽ കൂടുതലാകും. പകൽ സമയത്ത് തെക്കുകിഴക്ക് മുതൽ വടക്കുകിഴക്ക് ദിശയിൽ നേരിയതോ മിതമായതോ ആയ കാറ്റിന് സാധ്യതയുണ്ട്.  ഇത് പൊടിപടലങ്ങൾക്ക് കാരണമാകും, കാറ്റിന്റെ വേഗത മണിക്കൂറിൽ 10 മുതൽ 25 കിലോമീറ്റർ വരെയും ചിലപ്പോൾ മണിക്കൂറിൽ 35 കിലോമീറ്റർ വരെയും ആയിരിക്കും. അറബിക്കടലും ഒമാൻ കടലും ശാന്തമായിരിക്കും.

The UAE's National Center of Meteorology (NCM) has issued a heat alert as temperatures hit 45.9°C in Abu Dhabi and Fujairah. With highs expected to reach 44-45°C this week, residents are urged to stay hydrated, avoid peak sun exposure, and take precautions against heat exhaustion. Foggy mornings may also occur due to increased humidity. Stay updated with official weather advisories.