Potato skin / ഉരുളക്കിഴങ്ങ് നമ്മുടെ നിത്യജീവിതത്തിന്റെ ഭാഗമാണ്. ഇതില്ലാത്ത വീടുകളില്ലെന്നു തന്നെ പറയാം. കറിവയ്ക്കാനും പലഹാരമുണ്ടാക്കാനും നമ്മുടെ അടുക്കളയില്‍ ദിവസവുമുണ്ടാവുന്ന ഒന്നുതന്നെയാണ് ഉരുളക്കിഴങ്ങ്. ഈ ഉരുളക്കിഴങ്ങിന്റെ തൊലിയും കേമനാണ്. 

എന്നാല്‍ ഉരുളക്കിഴങ്ങ് പാകം ചെയ്യുന്നതിനു വേണ്ടി വൃത്തിയാക്കുന്ന രീതി പലരുടേതും വ്യത്യസ്തവുമാണ്. പാചകം ചെയ്യുന്നതിന് മുമ്പായി ഉരുളക്കിഴങ്ങിന്റെ തൊലി കളയുന്നവരാണ് നമ്മള്‍. എന്നാല്‍ ഈ തൊലിയുടെ ഗുണം നമ്മളറിയാതെ പോവരുത്. ഈ തൊലി പോഷകസമൃദ്ദമാണ്. ഇതിന്റെ ആരോഗ്യഗുണങ്ങളോ നിരവധിയും.   

വിറ്റാമിനുകള്‍ ധാതുക്കള്‍ നാരുകള്‍ എന്നിവയുള്‍പ്പെടെയുള്ള പോഷകങ്ങള്‍ ഉരുളക്കിഴങ്ങിന്റെ തൊലിയിലടങ്ങിയിട്ടുണ്ട്.  
ഉരുളക്കിഴങ്ങിന്റെ തൊലിയിലടങ്ങിയ ഓക്‌സിഡേറ്റീവ് സ്ട്രസ് കുറയ്ക്കുന്നതാണ്. ഹൃദ്രോഗം, കാന്‍സര്‍, നാഡീരോഗങ്ങള്‍ എന്നിവ നിയന്ത്രിക്കുകയും ചെയ്യും. 

ശരീരത്തിലെ വീക്കം കുറയ്ക്കാനും സന്ധിവാതം കുറയ്ക്കാനുമൊക്കെ ഉരുളക്കിഴങ്ങിന്റെ തൊലി വളരെ നല്ലതാണ്. 
കൊളസ്‌ട്രോള്‍ കുറയ്ക്കാനും രക്തത്തിലെ പഞ്ചസാരയുടെ അളവ് നിയന്ത്രിക്കാനും ഉരുളക്കിഴങ്ങിനു കഴിയും. 

ആരോഗ്യമുള്ള ചര്‍മത്തിന് ഇത് ഗുണം ചെയ്യും. ചര്‍മത്തില്‍ ജലാംശം നിലനിര്‍ത്താനും ഉരുളക്കിഴങ്ങിന്റെ തൊലി സഹായിക്കുന്നു. ഹൃദയാരോഗ്യത്തിനും രക്തസമ്മര്‍ദ്ദം നിയന്ത്രിക്കാനും ഇതു സഹായിക്കും.

അള്‍ട്രാവയലറ്റ് വികിരണങ്ങളില്‍ നിന്ന് രക്ഷിക്കാനും ദഹനം ഉറപ്പാക്കാനും കലോറി ഉപഭോഗം കുറയ്ക്കാനും ഉരുളക്കിഴങ്ങിന്റെ തൊലി സഹായിക്കുന്നതാണ്.

അതുകൊണ്ട് ഇനിമുതല്‍ തൊലി വലിച്ചെറിയുമ്പോള്‍ ഓര്‍ക്കുക.