കുവൈത്ത് സിറ്റി: രാജ്യത്തെ പ്രമുഖ റീട്ടെയിൽ വ്യാപാര ശൃംഖലയായ ലുലു ഹൈപ്പർമാർക്കറ്റിൽ വേൾഡ് ഫുഡ് ഫെസ്റ്റിവൽ പ്രൊമോഷന് തുടക്കമായി. ലോകത്തിന്റെ വിവിധ ഭാഗങ്ങളിൽനിന്നുള്ള രുചിവൈവിധ്യങ്ങൾ ആകർഷകമായ വിലക്കുറവിൽ ലഭ്യമാകുന്ന, ഭക്ഷണപ്രേമികൾക്ക് രുചിയുടെ ഉത്സവമൊരുക്കുന്ന ലുലു വേൾഡ് ഫുഡ് ഫെസ്റ്റ് രണ്ടാഴ്ച നീണ്ടുനിൽക്കും. രാജ്യത്തെ എല്ലാ ലുലു ഹൈപ്പർമാർക്കറ്റുകളിലും പ്രമോഷന്റെ ഭാഗമായി വൈവിധ്യമാർന്ന രുചികൾ ആസ്വദിക്കാനും ആഗോള ഭക്ഷ്യ ഉൽപന്നങ്ങൾ അവിശ്വസനീയമായ വിലയിൽ സ്വന്തമാക്കാനും അവസരം ഒരുക്കിയിട്ടുണ്ട്.

ലുലു വേൾഡ് ഫുഡ് ഫെസ്റ്റിവലിന്റെ ഔദ്യോഗിക ഉദ്ഘാടനം അൽ റായിലെ ലുലു ഔട്ട്‌ലെറ്റിൽ പ്രശസ്ത നടി മഹിമ നമ്പ്യാർ, മാസ്റ്റർഷെഫ് ഫെയിം ഗുർകിരാത് സിങ്, അറബ് ഷെഫ് മോണ മാബ്രെ എന്നിവർ ചേർന്ന് ഫുഡ് ഫെസ്റ്റ് ഉദ്ഘാടനം ചെയ്തു. ലുലു മാനേജ്മെന്റ് ഉന്നത പ്രതിനിധികളും സ്പോൺസർമാരുടെയും പങ്കെടുത്തു.ഫെസ്റ്റിന്റെ ഭാഗമായി വൈവിധ്യമാർന്ന രുചികളും പാചകപ്രദർശനങ്ങളും ഉപഭോക്താക്കൾക്കായി ഒരുക്കിയിട്ടുണ്ട്. ബിരിയാണി, കേക്ക്, സ്ട്രീറ്റ് ഫുഡ്, ഹെൽത്തി ബൈറ്റ്സ് തുടങ്ങി ഇരുപതിലധികം തീം കൗണ്ടറുകൾ ഫെസ്റ്റിവലിൽ ഒരുക്കിയിട്ടുണ്ട്. സെലിബ്രിറ്റി ഷെഫുമാരുടെ തത്സമയ പാചക ഷോകൾ, ഇന്ററാക്ടീവ് സെഷനുകൾ, കുടുംബങ്ങൾക്കായി വിവിധ മത്സരങ്ങൾ തുടങ്ങിയവയും ഫെസ്റ്റിന്‍റെ ഭാഗമാകും.ലോകത്തിന്റെ രുചിപ്പെരുമയെ ഒരു കുടക്കീഴിൽ ആസ്വദിക്കാനുള്ള അവസരമായാണ്  വേൾഡ് ഫുഡ് ഫെസ്റ്റ് പ്രമോഷൻ ആരംഭിച്ചതെന്നും കുവൈത്തിലെ ഉപഭോക്താക്കൾക്ക് രുചിയുടെയും വിനോദത്തിന്റെയും ഏറ്റവും നല്ല അനുഭവമായി ഫെസ്റ്റ് മാറുമെന്ന് ലുലു ഹൈപ്പർമാർക്കറ്റ് കുവൈത്ത് മാനേജ്‌മെന്റ്‌ അറിയിച്ചു.