കുവൈത്ത് സിറ്റി: വിമാനത്താവളത്തിലെ എയര്‍ കാര്‍ഗോയില്‍ നിന്ന് പിടിച്ചെടുത്ത പുകയിലയില്‍ തട്ടിപ്പ് നടത്തിയതിന് മൂന്ന് കസ്റ്റംസ് ഇന്‍സ്‌പെക്ടര്‍മാര്‍ക്കും അവരുടെ കൂട്ടാളിക്കും കൗണ്‍സിലര്‍ നയീഫ് അല്‍ദഹും അധ്യക്ഷനായ ക്രിമിനല്‍ കോടതി അഞ്ച് വര്‍ഷം തടവ് ശിക്ഷ വിധിച്ചു. ഇതിനുപുറമെ ഇവരെ ജോലിയില്‍ നിന്ന് പിരിച്ചുവിടുകയും ചെയ്തു. 

മോഷ്ടിച്ച വസ്തുക്കളുടെ മൂല്യത്തിന്റെ ഇരട്ടി, അതായത് 19,530 കുവൈത്തി ദീനാര്‍ പിഴയും കോടതി ഇവരുടെ മേല്‍ ചുമത്തി. അതായത് അമ്പത്തിമൂന്നു ലക്ഷം രൂപ.

ജനറല്‍ കസ്റ്റംസ് അഡ്മിനിസ്‌ട്രേഷനില്‍ നിയമിച്ചിരിക്കുന്ന ഇന്‍സ്‌പെക്ടര്‍മാര്‍, എയര്‍ കാര്‍ഗോ കസ്റ്റംസില്‍ നിന്ന് പിടിച്ചെടുത്ത പുകയില തങ്ങളുടെ അപാര്‍ട്‌മെന്റിലേക്ക് മാറ്റുകയും കസ്റ്റമ്മേര്‍സിന് സാമ്പിള്‍ നല്‍കുകയും ചെയ്തിരുന്നു. ഇവര്‍ വന്‍തോതില്‍ പുകയില ആവശ്യക്കാര്‍ക്ക് എത്തിക്കാന്‍ നല്‍കുന്നതിനു മുന്നെ ഇവരെ അധികൃതര്‍ പിടിക്കുകയായിരുന്നു.

പൊതു സ്ഥാപനങ്ങളിലെ അഴിമതിയും അധികാര ദുര്‍വിനിയോഗവും സംബന്ധിച്ച വര്‍ധിച്ചുവരുന്ന ആശങ്കകളിലേക്കാണ് ഈ കേസ് ചൂണ്ടുവിരല്‍ ഉയര്‍ത്തുന്നത്. കൂടാതെ ഇവര്‍ക്കെതിരായ നടപടി സര്‍ക്കാര്‍ പ്രവര്‍ത്തനങ്ങളില്‍ മേല്‍നോട്ടവും ഉത്തരവാദിത്തവും കര്‍ശനമാക്കുന്നതിനുള്ള അധികാരികളുടെ നിരന്തരമായ ശ്രമങ്ങളെ അടിവരയിടുന്നു.

Two customs officials in Kuwait were arrested for stealing and reselling seized tobacco. They were sentenced to five years in prison and fined Rs. 50 million for their illegal activities.