തൃശൂര്‍: തൃശൂര്‍ ജില്ലാ ടൂറിസം പ്രൊമോഷന്‍ കൗണ്‍സില്‍ സെക്രട്ടറിയായി ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് ജില്ലാ കലക്ടര്‍ അപേക്ഷ ക്ഷണിച്ചു.
ജില്ലയില്‍ സര്‍ക്കാര്‍-അര്‍ദ്ധ സര്‍ക്കാര്‍ സ്ഥാപനങ്ങളില്‍ ഗസറ്റഡ് റാങ്കില്‍ പ്രവര്‍ത്തിക്കുന്നവരായിരിക്കണം.
ബിരുദമോ ടൂറിസത്തില്‍ ഡിപ്ലോമയോ, എം.ബി.എയോ അല്ലെങ്കില്‍ സിവില്‍ എഞ്ചിനീയറിങ്ങ് ബിരുദധാരിയോ ആയിരിക്കണം. ടൂറിസം രംഗത്ത് മൂന്ന് വര്‍ഷത്തെ പ്രവൃത്തി പരിചയം ഉണ്ടായിരിക്കണം. പ്രായപരിധി 22 നും 50 നും മധ്യേ.
ഒരു വര്‍ഷത്തേക്കാണ് നിയമനം. സേവനം തൃപ്തികരമാണെങ്കില്‍ രണ്ട് വര്‍ഷം വരെ ഡെപ്യൂട്ടേഷന്‍ ദീര്‍ഘിപ്പിക്കും. ഡെപ്യൂട്ടേഷന്‍ നിയമന പ്രകാരമുള്ള സര്‍ക്കാര്‍ നിബന്ധന ബാധകമായിരിക്കും.