കാലിക്കടവ്: എ.ഐ.വൈ.എഫ് ജില്ലാ സമ്മേളനത്തിനു കാലിക്കടവില്‍ തുടക്കം. സി പി ഐ കേന്ദ്ര സെക്രട്ടറിയേറ്റ് അംഗം പന്ന്യന്‍ രവീന്ദ്രന്‍ ഉദ്ഘാടനം ചെയ്തു. ജില്ലാ പ്രസിഡന്റ് മുകേഷ് ബാലകൃഷ്ണന്‍ അധ്യക്ഷത വഹിച്ചു.
സി പി ഐ ജില്ലാ സെക്രട്ടറി അഡ്വ. ഗോവിന്ദന്‍ പള്ളിക്കാപ്പില്‍, ബങ്കളം കുഞ്ഞികൃഷ്ണന്‍, പി.വിജയകുമാര്‍, പി.എ നായര്‍, സി.പി ബാബു, അനിതാ രാജ്, എം അസൈനാര്‍, കെ.എസ് കുര്യാക്കോസ് സംസാരിച്ചു. വിജയ് പഥ് റിയാലിറ്റി ഷോയില്‍ ഒന്നാം സ്ഥാനം നേടിയ സൗരവ് സുരേന്ദ്രന്‍, കാരിയില്‍ കുളത്തില്‍ വീണ വിദ്യാര്‍ഥിയെ രക്ഷപ്പെടുത്തിയ ആരോമല്‍, ആകാശ്, ജിതിന്‍ ബാബു, അക്ഷയ് എന്നിവരെ ചടങ്ങില്‍ അനുമോദിച്ചു. പന്ന്യന്‍ രവീന്ദ്രന്‍ ഉപഹാരം നല്‍കി. പ്രതിനിധി സമ്മേളനം കാലിക്കടവ് കരക്കാവ് ഓഡിറ്റോറിയത്തില്‍ ഇന്നും, നാളെയുമായി നടക്കും. ഇന്ന് രാവിലെ 9.30ന് ജില്ലാ പ്രസിഡന്റ് മുകേഷ് ബാലകൃഷ്ണന്‍ പതാക ഉയര്‍ത്തും.
തുടര്‍ന്ന് എ ഐ വൈ എഫ് സംസ്ഥാന സെക്രട്ടറി കെ രാജന്‍ എം എല്‍ എ പ്രതിനിധി സമ്മേളനം ഉദ്ഘാടനം ചെയ്യും.  ജില്ലാ സെക്രട്ടറി അഡ്വ. വി സുരേഷ് ബാബു പ്രവര്‍ത്തന റിപ്പോര്‍ട്ടും സംസ്ഥാന ജോ. സെക്രട്ടറി മഹേഷ് കക്കത്ത് സംഘടനാ റിപ്പോര്‍ട്ടും അവതരിപ്പിക്കും. ജില്ലയിലെ ആറ് മണ്ഡലങ്ങളില്‍ നിന്നായി 150 പ്രതിനിധികളാണ് രണ്ട് ദിവസങ്ങളിലായി നടക്കുന്ന സമ്മേളനത്തില്‍ പങ്കെടുന്നത്.