ഗൂഡല്ലൂര്‍: ജനവാസ കേന്ദ്രത്തിലിറങ്ങിയ പുലി പശുവിനെ കടിച്ചു കൊന്നു. പന്തല്ലൂര്‍ മരപ്പാലം സ്വദേശി സൈദിന്റെ പശുവിനെയാണ് പുലി കടിച്ചു കൊന്നത്. വീടിന് സമീപത്തെ തൊഴുത്തില്‍ നിന്നാണ് പശുവിനെ പുലി ആക്രമിച്ചത്. കഴിഞ്ഞ ദിവസം രാത്രിയിലാണ് സംഭവം.
മുമ്പ് പ്രദേശവാസിയായ സൈതലവിയുടെ രണ്ട് ആടുകളെയും പുലി കടിച്ചു കൊന്നിരുന്നു. പുലിയെ കൂടുവച്ച് പിടിക്കണമെന്നാണ് നാട്ടുകാരുടെ ആവശ്യം.
ഇതുമായി ബന്ധപ്പെട്ട് നാട്ടുകാര്‍ വനം വകുപ്പിന് പരാതി നല്‍കി.