അഹമ്മദാബാദ്: ഐപിഎല്ലിൽ ലഖ്‌നൗ സൂപ്പർ ജയന്റ്സിന് വേണ്ടി പുതിയ നാഴികക്കല്ല് സ്വന്തമാക്കി വെസ്റ്റ് ഇൻഡീസ് താരം നിക്കോളാസ് പൂരൻ. ലഖ്‌നൗവിനു വേണ്ടി 100 സിക്‌സറുകൾ പൂർത്തിയാക്കാനാണ് പൂരന് സാധിച്ചത്. ഗുജറാത്ത് ടൈറ്റൻസിനെതിരെയുള്ള മത്സരത്തിലാണ് താരം ഈ നേട്ടം കൈവരിച്ചത്. മത്സരത്തിൽ നാല് സിക്സുകളാണ് താരം സ്വന്തമാക്കിയത്. ലഖ്‌നൗവിനായി സിക്സറിൽ സെഞ്ച്വറി നേടുന്ന ആദ്യ താരം കൂടിയാണ് പൂരൻ. മത്സരത്തിൽ 27 പന്തിൽ പുറത്താവാതെ 57 റൺസാണ് താരം നേടിയത്. 

ഈ സീസണിൽ ഡൽഹി ക്യാപിറ്റൽസിനെതിരെയുള്ള മത്സരത്തിലും നിക്കോളാസ് സിക്സറിൽ റെക്കോർഡ് സ്വന്തമാക്കിയിരുന്നു. ഡൽഹിക്കെതിരെയുള്ള മത്സരത്തിൽ 30 പന്തിൽ നിന്നും 75 റൺസാണ് താരം അടിച്ചെടുത്തത്. ആറ് ഫോറുകളും ഏഴ് കൂറ്റൻ സിക്സുകളും അടങ്ങുന്നതായിരുന്നു പൂരന്റെ വെടിക്കെട്ട്‌ ഇന്നിങ്‌സ്. മത്സരത്തിൽ നേടിയ ഈ ഏഴ് സിക്സറുകളോടെ ടി-20യിൽ 600 സിക്സുകൾ പൂർത്തിയാക്കാനും വിൻഡീസ് താരത്തിന് സാധിച്ചിരുന്നു. 

മത്സരത്തിൽ ആദ്യം ബാറ്റ് ചെയ്ത ലഖ്‌നൗ രണ്ട് വിക്കറ്റ് നഷ്ടത്തിൽ 235 റൺസാണ് നേടിയത്. മിച്ചൽ മാർഷിന്റെ സെഞ്ച്വറിയും ടീമിനെ മികച്ച ടോട്ടലിൽ എത്തിക്കുന്നതിൽ സഹായിച്ചു.  64 പന്തിൽ 117 റൺസ് നേടിയാണ് മിച്ചൽ മാർഷ് തിളങ്ങിയത്. 10 ഫോറുകളും എട്ട് കൂറ്റൻ സിക്സുകളും അടങ്ങുന്നതായിരുന്നു താരത്തിന്റെ ഇന്നിംഗ്സ്. 

ഗുജറാത്ത് ടൈറ്റൻസ് പ്ലെയിങ് ഇലവൻ 

ശുഭ്മാൻ ഗിൽ (ക്യാപ്റ്റൻ), ജോസ് ബട്ട്‌ലർ (വിക്കറ്റ് കീപ്പർ), ഷെർഫാനെ റൂഥർഫോർഡ്, ഷാരൂഖ് ഖാൻ, രാഹുൽ തിവാട്ടിയ, റാഷിദ് ഖാൻ, അർഷാദ് ഖാൻ, ആർ. സായ് കിഷോർ, കാഗിസോ റബാഡ, മുഹമ്മദ് സിറാജ്, പ്രസീദ് കൃഷ്ണ.

ലഖ്‌നൗ സൂപ്പർ ജയൻ്റ്‌സ് പ്ലെയിങ് ഇലവൻ 

മിച്ചൽ മാർഷ്, എയ്ഡൻ മർക്രം, നിക്കോളാസ് പൂരൻ, ഋഷഭ് പന്ത് (ക്യാപ്റ്റൻ/വിക്കറ്റ് കീപ്പർ), ആയുഷ് ബഡോണി, അബ്ദുൾ സമദ്, ഹിമ്മത് സിംഗ്, ഷഹബാസ് അഹമ്മദ്, ആകാശ് ദീപ്, ആവേശ് ഖാൻ, വില്യം ഒ റൂർക്ക്.

Nicholas Pooran Create a Historical Record For Lucknow Super Giants In IPL