ജയ്പൂര്‍: രാജസ്ഥാന്‍ റോയല്‍ താരങ്ങള്‍ മറക്കാനാഗ്രഹിക്കുന്ന ഒരു ഐപിഎല്‍ സീസണ്‍ ആയിരിക്കും ഇത്തവണത്തേത്. ഇതിനിടെ രാജസ്ഥാന്റെ മത്സരങ്ങള്‍ എല്ലാം കഴിഞ്ഞതിനാല്‍ ടീം ക്യാമ്പ് വിട്ടിരിക്കുകയാണ് ക്യാപ്റ്റന്‍ സഞ്ജു സാംസണ്‍. സഞ്ജുവിനെ യാത്രയാക്കുന്ന വീഡിയോ രാജസ്ഥാന്‍ റോയല്‍ ടീം തങ്ങളുടെ സമൂഹ മാധ്യമങ്ങളില്‍ പങ്കുവച്ചിരുന്നു. നിലവില്‍ ഒമ്പതാം സ്ഥാനത്താണ് രാജസ്ഥാന്‍ റോയല്‍സ്. 14 മത്സരങ്ങള്‍ കളിച്ച ടീമിന് ആകെ എട്ടു പോയിന്റ് മാത്രമാണ് ഉള്ളത്. 

A season full of learnings. A goodbye full of gratitude.

Until next time, Chetta. 💗💗💗 pic.twitter.com/rap4xlBjog

— Rajasthan Royals (@rajasthanroyals) May 21, 2025

 സഞ്ജുവിനെ സംബന്ധിച്ച് അത്ര നല്ല സീസണ്‍ ആയിരുന്നില്ല ഇക്കഴിഞ്ഞത്. ക്യാപ്റ്റന്‍ എന്ന നിലയില്‍ വെറും രണ്ടു മത്സരം മാത്രമാണ് സഞ്ജുവിന് ജയിക്കാന്‍ ആയത്. ഇംഗ്ലണ്ടിനെതിരായ പരമ്പരയിലെ അവസാന മത്സരത്തില്‍ കൈവിരലിനേറ്റ പരുക്കുമായാണ് സഞ്ജു സീസണ്‍ തുടങ്ങിയത്. ആദ്യത്തെ മൂന്ന് മത്സരങ്ങളില്‍ ഇമ്പാക്ട് പ്ലെയര്‍ ആയി കളിച്ച സഞ്ജു പിന്നീടുള്ള മത്സരങ്ങളില്‍ തിരിച്ചുവന്നിരുന്നു. എന്നാല്‍ ആദ്യ ഏഴു കളിക്ക് ശേഷം താരം വീണ്ടും പരുക്കിന്റെ പിടിയില്‍ ആയപ്പോള്‍ റിയാന്‍ പരാഗാണ് രാജസ്ഥാനെ നയിച്ചത്. 9 മത്സരങ്ങളില്‍ കളിച്ച സഞ്ജു ഒരു അര്‍ദ്ധ സെഞ്ച്വറി അടക്കം 285 റണ്‍സ് ആണ് നേടിയത്.

സഞ്ജു സാംസണ്‍ രാജസ്ഥാന്‍ വിട്ടേക്കുമെന്ന് നേരത്തെ സൂചനകള്‍ ഉണ്ടായിരുന്നു. ചെന്നൈ സൂപ്പര്‍ കിംഗ്‌സും കൊല്‍ക്കത്ത നൈറ്റ് റൈഡേഴ്‌സും സഞ്ജുവിനെ തങ്ങളുടെ ടീമിലെത്തിക്കാന്‍ ശ്രമിക്കുന്നതായി സ്ഥിരീകരിക്കാത്ത റിപ്പോര്‍ട്ടുകള്‍ ഉണ്ട്. ഇതിനിടെയാണ് യാത്ര പറച്ചില്‍ വീഡിയോയില്‍ സഞ്ജു ബിഗ് ബൈ എന്ന് പറഞ്ഞ് മടങ്ങുന്നത്. രാജസ്ഥാന്‍ ഒപ്പമുള്ള സഞ്ജുവിന്റെ അവസാന സീസണ്‍ ആയിരിക്കുമോ ഇത് എന്ന് ക്രിക്കറ്റ് പ്രേമികള്‍ക്കിടയില്‍ ചര്‍ച്ചയുണ്ട്.

Sanju Samson's emotional farewell message has sparked speculation about his exit from Rajasthan Royals. Cricket fans are wondering if the star batter will be part of the squad next IPL season.