ലണ്ടൻ: യൂറോപ്പാ ലീഗ് ഫൈനലിന് ശേഷം നിരാശ വ്യക്തമാക്കി മാഞ്ചസ്റ്റർ യുനൈറ്റഡിന്റെ അർജന്റൈൻ താരം അലയാന്ദ്രേ ഗർനാച്ചോ. മത്സരത്തിൽ കുറച്ച് സമയം മാത്രമേ താരത്തെ കളിക്കാനിറക്കിയിരുന്നുള്ളു. ഇനി വെക്കേഷൻ ആസ്വദിക്കാൻ കഴിഞ്ഞാൽ മതി. കളത്തിൽ കൂടുതൽ സമയം ലഭിക്കാത്തത് വിഷമം ഉണ്ടാക്കി. എന്തായാലും ഇനി എന്താകും തീരുമാനം എന്നത് കണ്ടറിയണം. ഗർനാച്ചോ പറഞ്ഞു. താരത്തിന് യുനൈറ്റഡിൽ അവസരങ്ങൾ കൂടുതൽ ലഭിക്കുന്നില്ല എന്ന പരാതിയുണ്ട്. അടുത്ത സീസണിൽ യുനൈറ്റഡിൽ ഉണ്ടാവുമോ എന്ന കാര്യത്തിലും വ്യക്തതയില്ല. സീസണിലെ ടീമിന്റെ തോൽവി അംഗീകരിക്കാൻ കഴിയില്ലെന്നും ടീമിൽ കാര്യമായ മാറ്റങ്ങൾ ആവശ്യമാണെന്നും ലൂക്ക് ഷ വ്യക്തമാക്കി. ഈ സീസണിൽ പ്രീമിയർ ലീഗിലും ടീം മോശം പ്രകടനമാണ് നടത്തിയത്. 37 മത്സരത്തിൽനിന്ന് 39 പോയിന്റ് മാത്രം നേടിയ യുനൈറ്റഡ് പട്ടികയിൽ 16ാം സ്ഥാനത്താണുള്ളത്.

അതേസമയം, കഴിഞ്ഞ ദിവസം നടന്ന യൂറോപ്പ ലീ​ഗ് ഫൈനലിൽ മാഞ്ചസ്റ്റർ യുനൈറ്റഡ് ടോടൻഹാമിനോട് പരാജയപ്പെട്ടിരുന്നു. സ്‌പെയിനിലെ ബിൽബാവോയിലെ സാൻ മാമെസ് സ്‌റ്റേഡിയത്തിൽ നടന്ന മത്സരത്തിൽ ഏകപക്ഷീയമായ ഒരു ​ഗോളിനായിരുന്നു ടോട്ടൻ ഹാമിന്റെ വിജയം. മത്സരത്തിന്റെ 42ാം മിനിറ്റിൽ ബ്രണ്ണൻ ജോൺസണായിരുന്നു ടോടൻഹാമിന്റെ വിജയ ​ഗോൾ നേടിയത്. മത്സരത്തിന്റെ 74 ശതമാനവും പന്ത് കൈവശം വെച്ച യുനൈറ്റഡ് ആറ് ഷോട്ടുകളാണ് ടാർ​ഗറ്റിലേക്ക് ഉതിർത്തത്. എന്നാൽ മികച്ച സേവുകളുമായി കളം നിറഞ്ഞ ​ഗോൾകീപ്പർ വികാരിയോയുടെ പ്രകടനം ടോട്ടൻഹാമിന് കിരീടം നേടിക്കൊടുക്കുന്നതിൽ ഏറെ നിർണായകമായി. 

ഇതോടെ ടോടൻഹാമിന്റെ 17 വർഷത്തെ കിരീടവരൾ‌ച്ചക്കാണ് അവസനമാകുന്നത്. 2008ൽ ഇം​ഗ്ലീഷ് ഫുട്ബോൾ ലീ​ഗ് കിരീടമാണ് ടോട്ടനം അവസാനമായി നേടിയ ചാംപ്യൻഷിപ്പ്. അതേസമയം, 41 വർഷത്തിന് ശേഷമാണ് ഒരു യൂറോപ്പ്യൻ ഫുട്ബോൾ കിരീടം എന്ന ടോടൻഹാമിന്റെ സ്വപ്നവും ഇതോടെ സഫലമായി. 1984ലെ യുവേഫ കപ്പ് കിരീടമായിരുന്നു ടോട്ടൻഹാം അവസാനമായി നേടിയത്.

The future of a Manchester United superstar remains uncertain as speculation grows about a potential transfer. Will he extend his stay or seek new challenges? Fans eagerly await the final decision that could reshape the club's upcoming season. Stay tuned for the latest updates on this developing transfer saga!