കിംഗ് ഫഹദ് ആശുപത്രിയിൽ തീർഥാടകർക്കായി പ്രത്യേക ഡയാലിസിസ് ഹാൾ അനുവദിച്ചതായി മദീന ഹെൽത്ത് ക്ലസ്റ്റർ അറിയിച്ചു.

വൃക്ക രോഗമുള്ള തീർഥാടകർക്ക് ഉയർന്ന നിലവാരമുള്ള പരിചരണം ഉറപ്പാക്കി അവരുടെ തീർഥാടന കാലയളവിലുണ്ടാകാവുന്ന ആരോ​ഗ്യ പ്രശനങ്ങളുടെ പ്രത്യാഘാതം കുറക്കുന്നതിനു വേണ്ടിയാണ് ഈ സൗകര്യം രൂപകൽപ്പന ചെയ്തിരിക്കുന്നത്.

ഏറ്റവും പുതിയ മെഡിക്കൽ സാങ്കേതിക വിദ്യകളാലാണ് ഡയാലിസിസ് ഹാൾ  സജ്ജീകരിച്ചിരിക്കുന്നത്. മാത്രമല്ല, പ്രതിദിനം 26 ലധികം ചികിത്സാ സെഷനുകൾ നൽകാൻ കഴിവുള്ള 13 നൂതന ഡയാലിസിസ് മെഷീനുകളും ഇവിടെയുണ്ട്.

ഉയർന്ന യോഗ്യതയുള്ള മെഡിക്കൽ പ്രൊഫഷണലുകളുടെ ഒരു സംഘം സെന്ററിലെ പ്രവർത്തനങ്ങൾക്ക് മേൽനോട്ടം വഹിക്കും. ഉന്നത നിലവാരമുള്ള സുരക്ഷ, ശുചിത്വം, രോഗി പരിചരണം എന്നിവ ഉറപ്പാക്കും.

ഡയാലിസിസ് ആവശ്യമുള്ള തീർഥാടകരുടെ മെഡിക്കൽ റിപ്പോർട്ടുകൾ അവർ എത്തുന്നതിനു മുമ്പേ സമർപ്പിക്കുന്നു, ഇത് സെഷനുകൾ വേഗത്തിൽ ഷെഡ്യൂൾ ചെയ്യാൻ അനുവദിക്കുന്നു. ഇത്, മദീനയിൽ എത്തുമ്പോഴുള്ള കാലതാമസം കുറക്കുകയും ചെയ്യുന്നു.

The Madinah Health Cluster has established a specialized dialysis hall at King Fahd Hospital exclusively for Hajj pilgrims. Equipped with 13 advanced dialysis machines, the facility can perform over 26 daily treatments while ensuring minimal disruption to pilgrims' rituals. This initiative highlights Saudi Arabia's commitment to providing world-class medical services during the pilgrimage season.