കുവൈത്ത് സിറ്റി: കർണാടകയിലെ മംഗളൂരുവിൽ തീവ്ര ഹിന്ദുത്വ വാദികളായ സംഘ്പരിവാർ,ബജ്റംഗ്ദൾ പ്രവർത്തകർ ക്രൂരമായി വെട്ടിക്കൊന്ന പളളി കമ്മിറ്റി സെക്രട്ടറിയും SKSSF സജീവ പ്രവർത്തകനുമായ അബ്ദുൽ റഹീമിന്റെ ക്രൂരമായ കൊലപാതകത്തിൽ കുവൈത്ത് കേരള ഇസ്‌ലാമിക് കൗൺസിൽ ശക്തമായ പ്രധിഷേധം രേഖപ്പെടുത്തി. രാജ്യത്തെ ജനങ്ങളെ തമ്മിലടിപ്പിക്കാനുള്ള സംഘപരിവാർ അജണ്ടയുടെ ക്രൂരമുഖമാണ് ഇവിടെ വ്യക്തമായിരിക്കുന്നത്. രക്തദാഹികളായ സംഘ്പരിവാറിന്റെ ഗുണ്ടായിസത്തിൽ നിന്ന് രാജ്യത്തെ രക്ഷിക്കാനും സമാധാനപരമായ ജീവിത സാഹചര്യം ഉറപ്പുവരുത്താനും ഭരണകൂടം തയ്യാറാവണം. നിഷ്പക്ഷമായ അന്വേഷണം നടത്തി കുറ്റവാളികളെ മുഴുവൻ നിയമത്തിന് മുന്നിൽ കൊണ്ടുവന്നു ശക്തമായ ശിക്ഷ ഉറപ്പുവരുത്തണമെന്നും നേതാക്കൾ ആവശ്യപ്പെട്ടു.

Stop the Sangh Parivar's rampage: Kuwait Kerala Islamic Council