കൊച്ചി: അനധികൃത സ്വത്ത് സമ്പാദനക്കേസില്‍ മുന്‍ മന്ത്രി കെ.ബാബുവിന്റെ വീടടക്കം ആറിടത്ത് വിജിലന്‍സ് നടത്തിയ റെയ്ഡില്‍ പിടിച്ചെടുത്ത രേഖകള്‍ ഇന്ന് കോടതിയില്‍ ഹാജരാക്കും. സ്വര്‍ണവും പണവുമടക്കമുള്ള രേഖകളടക്കമാണ് ഇന്ന് മൂവാറ്റുപുഴ വിജിലന്‍സ് കോടതിയില്‍ ഹാജരാക്കുക. കൂടാതെ പെണ്‍മക്കളുടെ പേരിലുള്ള ബാങ്ക് ലോക്കറുകള്‍ രണ്ടു ദിവസത്തിനകം തുറന്നു പരിശോധിക്കും.

അതേസമയം, ബാബുവിന്റെ ബിനാമികളാണെന്ന് വാര്‍ത്തകളില്‍ നിറഞ്ഞ മുന്‍ യൂത്ത് കോണ്‍ഗ്രസ് നേതാവ് ബാബുറാമും റോയല്‍ ബേക്കേഴ്‌സ് ഉടമ മോഹനനും വിജിലന്‍സിന്റെ കണ്ടെത്തലുകള്‍ നിഷേധിച്ച് രംഗത്തെത്തിയിരുന്നു.