കോഴിക്കോട്: കോഴിക്കോട് പട്ടാപ്പകൽ വീട്ടുമുറ്റത്ത് കളിച്ചു കൊണ്ടിരുന്ന കുട്ടിയെ തട്ടിക്കൊണ്ടുപോകാൻ ശ്രമിച്ച രണ്ടുപേർ പിടിയിലായി . സംഭവത്തിൽ ഒരു സ്ത്രീയും പുരുഷനുമാണ് പിടിയിലായത്. കര്‍ണാടക സ്വദേശികളായ നാടോടികളായ രണ്ടുപേരാണ് പോലിസ് കസ്റ്റഡിയിലായത്. കോഴിക്കോട് പുതിയകടവിലാണ് കുട്ടിയെ തട്ടിക്കൊണ്ടുപോകാൻ ശ്രമിച്ചത്. കുട്ടി കളിച്ചുകൊണ്ടിരിക്കെയാണ് തട്ടിക്കൊണ്ടുപോകാൻ ശ്രമം ഉണ്ടായത്. കളിച്ചുകൊണ്ടിരുന്ന കുട്ടിയെ ചാക്കിലാക്കി കൊണ്ടുപോകാനായിരുന്നു ഇവർ ശ്രമിച്ചത്. ഇതേ തുടര്‍ന്ന് കുടെയുണ്ടായിരുന്ന കുട്ടികള്‍ വിവരം നാട്ടുകാരെയടക്കം അറിയിച്ചു.

തുടർന്ന് നാട്ടുകാര്‍ രണ്ടു പേരെയും തടഞ്ഞുവെയ്ക്കുകയായിരുന്നു. തുടര്‍ന്ന് പൊലീസെത്തി കസ്റ്റഡിയിലെടുക്കുകയായിരുന്നു. കോഴിക്കോട് ബീച്ചിന് സമീപം പുതിയകടവിലാണ് സംഭവം. ഏഴു വയസുകാരനെയാണ് തട്ടിക്കൊണ്ടുപോകാൻ ശ്രമം നടന്നത്. സംഭവസ്ഥലത്ത് സ്ഥാപിച്ചിരുന്ന സിസിടിവി ദൃശ്യങ്ങൾ ഇപ്പോൾ പുറത്ത് വന്നിട്ടുണ്ട്. ദൃശ്യങ്ങളിൽ സ്ത്രീ ചാക്കുമായി നടക്കുന്നതും കുട്ടികൾ അവരുടെ പിന്നാലെ ഓടുന്നതും വ്യക്തമായി കാണാം. കുട്ടിയുടെ മൊഴിപ്രകാരം, സ്ത്രീ തന്നെ പിടിച്ച് ചാക്കിൽ കയറ്റാൻ ശ്രമിച്ചതായി പറയുന്നു.
ഇരുവരും കർണാടക സ്വദേശികളായ നാടോടി സമൂഹത്തിൽപ്പെട്ടവരാണെന്ന് പോലീസ് പ്രാഥമികമായി തിരിച്ചറിഞ്ഞിട്ടുണ്ട്. കൂടുതൽ അന്വേഷണങ്ങൾ പുരോഗമിച്ചുകൊണ്ടിരിക്കുകയാണ്. കുട്ടി ഇപ്പോൾ കുടുംബത്തോടോപ്പം ഇപ്പോൾ സുരക്ഷിതരാണ്.

In Kozhikode’s busy Puthiyakadavu area, an attempted child kidnapping was foiled in broad daylight. A 7-year-old boy was playing when two suspects — a man and a woman from Karnataka — tried to abduct him by stuffing him into a sack. Nearby children raised an alarm, alerting locals who caught the suspects and handed them over to the police. CCTV footage shows the woman walking with the sack as children chased her. Police have launched a full investigation.