ലഖ്‌നൗ: അയോധ്യ രാമക്ഷേത്രത്തിലേക്കുള്ള പ്രധാന വഴികളില്‍ മാംസ വില്‍പ്പന നിരോധിക്കാനൊരുങ്ങി യോഗി സര്‍ക്കാര്‍. രാമപാത, ധാമകോസി മാര്‍ഗ് തുടങ്ങിയ ഇടങ്ങളില്‍ മാംസ വില്‍പ്പനശാലകള്‍ നിരോധിക്കാനാണ് തീരുമാനം. ഇത് സംബന്ധിച്ച് കടകള്‍ക്ക് നോട്ടീസ് നല്‍കി തുടങ്ങി. 

രാമപാത, ധര്‍മ കോശി, പരികര്‍മ മാര്‍ഗ്, പഞ്ചകോശി മാര്‍ഗ് എന്നിവിടങ്ങളിലായി 22 മാസം വില്‍പ്പന ശാലകള്‍ പ്രവര്‍ത്തിക്കുന്നുണ്ടെന്നാണ് യുപി സര്‍ക്കാരിന്റെ കണ്ടെത്തല്‍. ഇതിനെതിരെ യോഗി ആദിത്യനാഥിന്റെ ജനത ദര്‍ബാറില്‍ പരാതികള്‍ ലഭിച്ചെന്നാണ് സര്‍ക്കാര്‍ വാദം. തുടര്‍ന്നാണ് കടകള്‍ പൂട്ടാന്‍ സര്‍ക്കാര്‍ തീരുമാനിച്ചതെന്ന് അയോധ്യ മേയര്‍ ഗിരീഷ് പാട്ടില്‍ ത്രിപാഠി അറിയിച്ചു. മാംസ നിരോധനത്തിന് പുറമെ ചില ഭാഗങ്ങളില്‍ മദ്യം നിരോധിക്കാനും തീരുമാനമുണ്ട്. 

ALSO READ: ഇൻകംടാക്സ് നോട്ടിസ് ഒഴിവാക്കാൻ 45 രൂപ കൈക്കൂലി; മുതിർന്ന ഐആർഎസ് ഉദ്യോഗസ്ഥനെ സിബിഐ അറസ്റ്റ് ചെയ്തു

കടകള്‍ മാറ്റി സ്ഥാപിക്കാന്‍ ഏഴ് ദിവസത്തെ അവധിയാണ് നല്‍കിയിട്ടുള്ളത്. സമയപരിധിക്കുള്ളില്‍ കട ഒഴിയാത്തവര്‍ക്കെതിരെ നടപടിയെടുക്കുമെന്ന് ഫുഡ് കമ്മീഷണര്‍ മണിക് ചന്ദ് സിങ് പറഞ്ഞു. 

നേരത്തെ നവരാത്രി ദിനാഘോഷങ്ങളുടെ ഭാഗമായി മാര്‍ച്ചില്‍ യുപിയിലെ മാംസ ശാലകള്‍ക്ക് സര്‍ക്കാര്‍ നിരോധനം കൊണ്ടുവന്നിരുന്നു. ആരാധനാലയങ്ങളുടെ 500 മീറ്റര്‍ ചുറ്റളവില്‍ മാംസ വില്‍പ്പന നടത്തരുതെന്നായിരുന്നു നിര്‍ദേശം. ഒമ്പത് ദിവസത്തെ നിരോധനമാണ് അന്ന് കൊണ്ടുവന്നത്. ഇതിന് പുറമെ ഏപ്രില്‍ 6ന് രാമനവമിക്ക് പ്രത്യേക നിയന്ത്രണങ്ങള്‍ ഏര്‍പ്പെടുത്തുകയും, മാംസ വില്‍പ്പന നിരോധിക്കുകയും ചെയ്തിരുന്നു.

Yogi government is preparing to ban meat sales along the main routes leading to the Ayodhya Ram Temple. The decision is to prohibit meat shops on roads like Rampath and Dharmakosi Marg. Notices have already started being issued to the concerned shops.