മലപ്പുറം: നിലമ്പൂര്‍ ഉപതിരഞ്ഞെടുപ്പില്‍ സമര്‍പ്പിച്ച നാമനിര്‍ദ്ദേശ പത്രികകള്‍ ഇന്ന് സൂക്ഷ്മ പരിശോധനക്ക് വിധേയമാക്കും. സാധുവായ നാമനിര്‍ദ്ദേശപത്രികകള്‍ എത്രയെന്ന് വൈകിട്ട് മൂന്ന് മണിയോടെ വ്യക്തമാകും. ഇതുവരെ 19 പേരാണ് പത്രിക സമര്‍പ്പിച്ചിട്ടുള്ളത്.

യുഡിഎഫ് സ്ഥാനാര്‍ഥി ആര്യാടന്‍ ഷൗക്കത്തിന്റെ പഞ്ചായത്ത് തലത്തിലുള്ള പ്രചാരണ പരിപാടികള്‍ ഇന്ന് രാവിലെ 8:30 ന് പോത്തുകല്‍ പഞ്ചായത്തില്‍ മുസ്ലിം ലീഗ് ജില്ലാ പ്രസിഡന്റ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും.

എല്‍ഡിഎഫ് സ്ഥാനാര്‍ഥി എം. സ്വരാജിന്റെ പ്രചാരണയാത്ര തുടരുന്നു. പ്രചാരണത്തിനായി മന്ത്രിമാര്‍ ഉള്‍പ്പെടെയുള്ള നേതാക്കള്‍ മണ്ഡലത്തില്‍ എത്തും. കെപിസിസി പ്രസിഡന്റും പ്രതിപക്ഷ നേതാവും യുഡിഎഫിന്റെ പ്രചാരണത്തിനായി മണ്ഡലത്തില്‍ തുടരുകയാണ്.

ബിജെപി സ്ഥാനാര്‍ഥി മോഹന്‍ ജോര്‍ജ് പരമാവധി വോട്ടര്‍മാരെ നേരിട്ട് കാണാനുള്ള ശ്രമത്തിലാണ്. ഇന്ന് രാവിലെ 9 മണിക്ക് നടക്കുന്ന വാര്‍ത്താസമ്മേളനത്തില്‍ ഇടതു കണ്‍വെന്‍ഷനില്‍ മുഖ്യമന്ത്രി നടത്തിയ പരാമര്‍ശങ്ങള്‍ക്ക് മറുപടി നല്‍കുമെന്ന് തൃണമൂല്‍ സ്ഥാനാര്‍ഥി പി.വി. അന്‍വര്‍ പ്രഖ്യാപിച്ചു.

The detailed scrutiny of nomination papers submitted for the Nilambur by-election will be conducted today in Malappuram. The final list of valid nominations will be announced by 3 PM. So far, 19 candidates have filed their nominations for the upcoming by-poll. Stay updated with the latest developments.