ന്യൂഡൽഹി:നേരത്തേ തുടങ്ങിയ മൺസൂൺ മഴ ചുട്ടുപോള്ളിച്ച വേനലിൽ നിന്ന് ആശ്വാസം നൽകിയെങ്കിലും, ഇപ്പോൾ അത് അടുക്കള ചെലവിന് വലിയ ഭീഷണിയായി മാറിയിരിക്കുകയാണ്. തക്കാളി, ഉള്ളി, മല്ലിയില എന്നിവയുടെ വില കഴിഞ്ഞ കുറച്ച് ദിവസങ്ങളിലായി കുത്തനെ ഉയർന്നത് കുടുംബ ബജറ്റുകൾക്ക് വലിയ വെല്ലുവിളിയാണ്.

ഉയരുന്ന വിലക്കയറ്റം 

കഴിഞ്ഞ ആഴ്ച തക്കാളിയുടെ വില 10 രൂപയോളം ഉയർന്നു.

ഈ ആഴ്ച ഉള്ളിയും മല്ലിയിലയും വില വർദ്ധിച്ചു.

ഒരു കിലോ ഉള്ളിക്ക് മുൻപ് ശരാശരി വില ₹30 ആയിരുന്നെങ്കിൽ, ഇപ്പോൾ ₹40 ആയി ഉയർന്നു.

മല്ലിയിലയുടെ ഒരു കെട്ട് കഴിഞ്ഞ ആഴ്ച ₹20 ആയിരുന്നപ്പോൾ, ഇപ്പോൾ ₹30 ആയി.

വിലക്കയറ്റത്തിന് പിന്നിൽ

വ്യാപാരികളുടെ അഭിപ്രായത്തിൽ, കനത്ത മഴ ഗതാഗതം വൈകിയതിനും, മഹാരാഷ്ട്രയിലടക്കം പ്രധാന കാർഷിക മേഖലകളിൽ നിന്നുള്ള വിതരണ ശൃംഖല തകർന്നതും ഈ വിലക്കയറ്റം കാരണമായി ചൂണ്ടി കാണിക്കുന്നത്.

ട്രക്കുകൾ കാലതാമസം നേരിടുന്നതിലൂടെ അമിത ഈര്‍പ്പം കാരണം പല ചരക്കുകളും കേടാകുന്നതുമാണ് വിലക്കയറ്റത്തിന്റെ പ്രധാന കാരണം. 

വളരെയധികം വിളനാശം

ഉള്ളി ഉത്പാദന കേന്ദ്രമായ മഹാരാഷ്ട്രയിലെ പല ജില്ലകളിലും കനത്ത മഴയുടെ പശ്ചാത്തലത്തിൽ വലിയ തോതിൽ വിളനാശം റിപ്പോർട്ട് ചെയ്തു.

34,842 ഹെക്ടറിൽ വിളകൾ നശിച്ചു

നാസിക് – 3,230 ഹെക്ടർ

സോലാപൂർ – 1,252 ഹെക്ടർ

പൂനെ – 676 ഹെക്ടർ

അമരാവതി, ജൽഗാവ്, ബുൽധാന തുടങ്ങിയ മേഖലകളിലും വലിയ നഷ്ടം

വാഴ, മാമ്പഴം, ഉള്ളി, നാരങ്ങ, പച്ചക്കറികൾ എന്നിവയ്ക്ക് നാശം സംഭവിച്ചിട്ടുണ്ട്.

ഐഎംഡി പ്രവചനം: മഴ തുടരും

ഇന്ത്യൻ കാലാവസ്ഥാ വകുപ്പിന്റെ പുതിയ പ്രവചനം പ്രകാരം, 2025ലെ മൺസൂൺ സീസണിൽ സാധാരണത്തേക്കാൾ കൂടുതൽ മഴ ലഭിക്കാനാണ് സാധ്യത.

മുമ്പ് പ്രവചിച്ച മഴയുടെ അളവ് 105% എന്നതിൽ നിന്ന് ഇപ്പോൾ 106% ആയി ഉയർത്തിയിട്ടുണ്ട്.

ജൂണിൽ മാത്രം ശരാശരിക്ക് 108% മഴ ലഭിക്കുമെന്നും ഐഎംഡി പ്രതീക്ഷിക്കുന്നു.

ആദ്യ കുറച്ച് ദിവസങ്ങൾക്ക് ശേഷം മൺസൂണിന്റെ നീക്കത്തിൽ താൽക്കാലിക ഇടവേള ഉണ്ടാകാനിടയുണ്ടെന്നാണ് സൂചന.

The early onset of monsoon has brought relief from scorching heat but triggered a sharp rise in kitchen expenses. Prices of essential vegetables like tomatoes and onions are surging. Onion prices have jumped from ₹30 to ₹40 per kg, and coriander has gone from ₹20 to ₹30 per bunch. Heavy rains have disrupted transportation and supply chains, especially from Maharashtra, leading to spoilage and shortages. Crops across over 34,000 hectares have been damaged. The India Meteorological Department predicts above-normal rainfall this monsoon, raising concerns about sustained price hikes.