ന്യൂയോര്‍ക്ക് : വീണ്ടും യാത്രാവിലക്കുമായി ഡൊണാള്‍ഡ് ട്രംപ്. ഇറാന്‍, മ്യാന്‍മര്‍ അടക്കമുള്ള 12 രാജ്യങ്ങളില്‍ നിന്നുള്ള പൗരന്‍മാര്‍ക്കാണ് യുഎസിലേക്ക് യാത്രാവിലക്കേര്‍പ്പെടുത്തി ട്രംപ് ഭരണകൂടം ഉത്തരവിട്ടത്. ദേശ സുരക്ഷ മുന്‍നിര്‍ത്തിയാണ് നടപടിയെന്നാണ് സര്‍ക്കാരിന്റെ വാദം. അഫ്ഗാനിസ്ഥാന്‍, മ്യാന്‍മര്‍, ചാഡ്, കോംങ്കോ, എക്വിറ്റോറിയല്‍ ഗിനി, ഹെയ്തി, എറിട്രിയ, ഇറാന്‍, ലിബിയ, സൊമാലിയ, സുഡാന്‍, യെമന്‍ എന്നീ രാജ്യങ്ങളില്‍ നിന്നുളളവര്‍ക്കാണ് അമേരിക്കയിലേക്ക് യാത്ര നിരോധിച്ചത്. 2017 ല്‍ പ്രസിഡന്റായിരുന്ന സമയത്തും സമാനമായ രീതിയില്‍ രാജ്യങ്ങള്‍ക്ക് പ്രവേശന വിലക്കേര്‍പ്പെടുത്തിയ ട്രംപിന്റെ നീക്കം വിവാദങ്ങള്‍ക്ക് വഴിവെച്ചിരുന്നു.  

തിങ്കളാഴ്ച മുതല്‍ വിലക്ക് പ്രാബല്യത്തില്‍ വരും. ക്യൂബ അടക്കം ഏഴ് രാജ്യങ്ങളില്‍ നിന്നുള്ള പൗരന്‍മാര്‍ക്ക് ഭാഗിക വിലക്കും ഏര്‍പ്പെടുത്തിയിട്ടുണ്ട്. ബറൂണ്ടി, ക്യൂബ, ലാവോസ്, സിയറ ലിയോണ്‍, ടോഗോ, തുര്‍ക്ക്‌മെനിസ്ഥാന്‍, വെനസ്വേല എന്നീ രാജ്യങ്ങള്‍ക്കാണ് ഭാഗിക വിലക്ക്. 

ALSO READ: ഗസ്സയില്‍ അടിയന്തര വെടിനിര്‍ത്തല്‍ വേണമെന്ന യുഎന്‍ രക്ഷാസമിതി പ്രമേയം വീറ്റോചെയ്തു; വീണ്ടും അമേരിക്കയുടെ ഇരട്ടത്താപ്പ്; കടുത്ത വിമര്‍ശനവുമായി ചൈന 

അധികാരമേറ്റതിന് പിന്നാലെ വിദേശ കുടിയേറ്റത്തിനെതിരെ കടുത്ത നടപടികളാണ് ട്രംപ് ഭരണകൂടം നടത്തുന്നത്. നേരത്തെ വിദേശ വിദ്യാർത്ഥികളെ വിമർശിച്ച് ട്രംപ് രം​ഗത്തെത്തിയിരുന്നു. ഹാർവാർഡ് സർവകലാശാലയിലെയും യുഎസിലെ മറ്റു പ്രധാന വിദ്യാഭ്യാസ സ്ഥാപനങ്ങളിലെയും വിദേശ വിദ്യാർത്ഥികൾക്കുള്ള പ്രവേശനം 15 ശതമാനമായി പരിമിതപ്പെടുത്തണമെന്ന് നിർദേശം ഉയർത്തുകയും ചെയ്തു. ത്.

“നമ്മുടെ രാജ്യത്ത് കലാപമോ അശാന്തിയോ ഉണ്ടാകുന്നത് കാണാൻ ഞങ്ങൾ ആഗ്രഹിക്കുന്നില്ല. ഷോപ്പിംഗ് സെന്ററുകൾ പൊട്ടിത്തെറിക്കുന്നതും തെരുവുകളിലേക്കുള്ള കലാപങ്ങളും കാണാൻ ഞങ്ങൾ ആഗ്രഹിക്കുന്നില്ല. ഈ വിദ്യാർത്ഥികളിൽ ചിലർ തീവ്ര ഇടതുപക്ഷ ചിന്താഗതികളാൽ പ്രേരിതരായി പ്രശ്നങ്ങൾ സൃഷ്ടിക്കുന്നവരായിരുന്നു, എന്നാണ് ട്രംപ് സർക്കാരിന്റെ കണ്ടെത്തൽ. 

ഹാർവാർഡിനെതിരെ കടുത്ത വിമർശനമാണ് ട്രംപ് ഉന്നയിച്ചത്. “ഹാർവാർഡ് സർവകലാശാലയിൽ പഠിക്കുന്ന വിദ്യാർത്ഥികളിൽ ഏകദേശം 31 ശതമാനവും വിദേശീയരാണെന്നാണ് റിപ്പോർട്ടുകൾ. എവിടെ നിന്നാണ് ഈ വിദ്യാർത്ഥികൾ വരുന്നത്? അവരുടെ പശ്ചാത്തലമെന്താണ്? അവർ പ്രശ്നങ്ങൾ ഉണ്ടാക്കുന്നവരാണോ? ഇവയെല്ലാം അമേരിക്കൻ ജനങ്ങൾക്ക് അറിയേണ്ട കാര്യങ്ങളാണ്. ഈ വിദേശികളുടെ എണ്ണം 15 ശതമാനത്തിലേക്ക് കുറയ്ക്കപ്പെടേണ്ടതാണെന്ന് ഞാൻ വിശ്വസിക്കുന്നു,” ട്രംപ് പറഞ്ഞിരുന്നു. 

Trump imposes news travel ban Citizens from 12 countries barred from entering the United States