ഈ വർഷത്തെ SSLC, PLUS 2 പരീക്ഷകളിൽ വിജയിച്ച നിസ്‌വ കെഎംസിസി അംഗങ്ങളുടെ മക്കൾക്കും നിസ്‌വ ഇന്ത്യൻ സ്കൂളിൽ  ഏറ്റവും കൂടുതൽ മാർക്ക് ലഭിച്ച വിദ്യാർത്ഥികൾക്കും കെഎംസിസി നിസ്‌വ എക്സലന്റ് അവാർഡ് 2025 നൽകി ആദരിച്ചു. കൂടാതെ ഒമാനിൽ 35 വർഷം  പ്രവാസ ജീവിതം നയിച്ച കെഎംസിസി മെമ്പർമാരെ മൊമെന്റോ നൽകി ആദരിക്കുകയും ചെയ്തു.

മസ്കത്ത് കെഎംസിസി നിസ്‌വ ഏരിയ പുതിയ കമ്മിറ്റിയുടെ പ്രഥമ പരിപാടി കൂടിയായിരുന്നു ഇത്.

നിസ്‌വ കെഎംസിസി പ്രസിഡന്റ് ഹാരിസ് മേത്തല അധ്യക്ഷത വഹിച്ച പരിപാടിയിൽ SMC പ്രസിഡന്റ് ഇക്ബാൽ ഇസ്മയിൽ ഉദ്ഘാടനം നിർവഹിച്ചു.  സെക്രട്ടറി അബ്ദുൽ ഹഖ് സ്വാഗതവും കേന്ദ്ര കമ്മിറ്റി സെക്രട്ടറി ഷാനവാസ് മൂവാറ്റുപുഴ, നൗഷാദ് കാക്കേരി ,Dr ഷംസു മാസ്റ്റർ, മജ്മൂന അമീർ തുടങ്ങിയവർ ആശംസകളും അർപ്പിച്ചു. ഷിഹാബുദീൻ സി.കെ നന്ദിയും പറഞ്ഞു.