വീട്ടില്‍ എന്നും പ്രധാന ശല്യക്കാരാണ് പാറ്റയും പല്ലിയും. എന്തൊക്കെ ഉപയോഗിച്ച് തുരത്തിയാലും കുറച്ചു ദിവസം കഴിയുമ്പോ വീണ്ടും വരും. അടുക്കളയിലും ബാത്‌റൂമിലുമൊക്കെ എപ്പോഴും ഇവയുടെ ശല്യമായിരിക്കും. ഭക്ഷണസാധനങ്ങളില്‍ വന്നിരിക്കുകയും രോഗങ്ങള്‍ പരത്തുകയും ചെയ്യുന്നു. എന്നാല്‍ ഇവയെ തുരത്താന്‍ കുറച്ചു തീപ്പെട്ടിക്കൊള്ളി മാത്രം മതി. ഇതുപയോഗിച്ച് ഇവയെ തുരത്താന്‍ കഴിയും. അത് എങ്ങനെയെന്ന് നോക്കിയാലോ? 

ഇതിനായി ആദ്യം ഒരു പാത്രത്തില്‍ നിറയെ വെള്ളമെടുക്കുക. അതിലേക്ക് അഞ്ചോ ആറോ തീപ്പെട്ടിക്കൊള്ളികള്‍ ഇട്ടുകൊടുക്കുക. ഒരു മണിക്കൂര്‍ വെള്ളത്തില്‍ തന്നെ ഇവ ഇരിക്കണം. ശേഷം തീപ്പെട്ടിക്കൊള്ളിയിലെ മരുന്ന് വെള്ളത്തില്‍ കലക്കി എടുക്കുക. ഈ വെള്ളമാണ് നമുക്ക് വേണ്ടത്.

ഇതൊരു സ്‌പ്രേ കുപ്പിയിലാക്കി പ്രാണികളും പാറ്റകളും പല്ലിയുമൊക്കെ വരുന്ന സ്ഥലങ്ങളില്‍ സ്‌പ്രേ ചെയ്തു കൊടുക്കുക. ശ്രദ്ധിക്കേണ്ടത് സ്‌പ്രേ ചെയ്യുമ്പോള്‍ ഭക്ഷണസാധനങ്ങളിലൊന്നും വീഴാതിരിക്കാന്‍ ശ്രദ്ധിക്കുക എന്നതാണ്. കുട്ടികളെയും ശ്രദ്ധിക്കുക. അവരുടെ കൈയിലും കൊടുക്കരുത്.  

മറ്റൊന്ന് ബേക്കിങ് സോഡയാണ്. പൊടിച്ചെടുത്ത പഞ്ചസാര പൊടിയും ബേക്കിങ് സോഡയും ചേര്‍ത്ത് നന്നായി മിക്‌സ് ചെയ്യണം. ഇതും പാറ്റ വരുന്ന സ്ഥലത്ത് വിതറിയിട്ടാല്‍ മതി. പിന്നെ പറ്റയും ശല്യം ഉണ്ടാവില്ല. വേപ്പില, വയണ ഇല, ഗ്രാമ്പു, ഏലയ്ക്ക് ഇവയുടെയൊക്കെ ഗന്ധം പാറ്റയ്ക്കു ബുദ്ധിമുട്ടുണ്ടാക്കുന്നവയാണ്. ഇതും പൊടിച്ചോ അല്ലെതെയും ഉപയോഗിച്ചും പാറ്റകളെ തുരത്താവുന്നതാണ്.