ഉത്തരാഖണ്ഡിലെ ഗുപ്തകാശിയിൽ ഹെലികോപ്റ്റർ അടിയന്തിരമായി റോഡിൽ ലാൻഡ് ചെയ്തു. കേദാർനാഥ് യത്രക്കാരുമായി പറന്ന ഹെലികോപ്റ്ററിന് സാങ്കേതിക പ്രശ്നം നേരിട്ടതോടെയാണ് അടിയന്തര ലാൻഡിങ്ങ് ആവശ്യമായി വന്നത്. 

ശനിയാഴ്ച ഉച്ചയ്ക്ക് 12:52ന് അഞ്ച് കേദാർനാഥ് യാത്രക്കാരുമായി പുറപ്പെട്ട ഹെലികോപ്റ്റർ ടേക്ക് ഓഫ് ചെയ്തതിന് പിന്നാലെ സാങ്കേതിക പ്രശ്നം അനുഭവപ്പെടുകയായിരുന്നു. ക്യാപ്റ്റൻ ആർ.പി.എസ്. സോധി റിപ്പോർട്ട് ചെയ്തതനുസരിച്ച്, കളക്ടീവ് കൺട്രോൾ സിസ്റ്റത്തിൽ ഉണ്ടായ തകരാറാണ് ലാൻഡിംഗിന് കാരണമായത്. 

ക്രസ്റ്റൽ ഏവിയേഷൻ പ്രൈവറ്റ് ലിമിറ്റഡിന്റെ ഹെലികോപ്റ്ററാണ് സാങ്കേതിക തകരാർ നേരിട്ടത്. സംഭവം മനസിലായ ഉടൻ തന്നെ പൈലറ്റ്, സമീപത്തുള്ള ഒരു ഒഴിഞ്ഞ റോഡിൽ അടിയന്തര ലാൻഡിംഗ് നടത്തി. പൈലറ്റിന്റെ സമയോചിത ഇടപെടൽ വലിയൊരു അപകടമാണ് ഒഴിവാക്കിയത്.  ജില്ലാ ടൂറിസം ഡെവലപ്മെന്റ് ഓഫീസറും ഹെലികോപ്റ്റർ സർവിസസ് നോഡൽ ഓഫീസറുമായ രാഹുൽ ചൗബെയാണ് ഇക്കാര്യം സ്ഥിരീകരിച്ചത്.

ഹെലികോപ്റ്ററിന്റെ വാൽഭാഗം റോഡരികിൽ നിർത്തിയിരുന്ന ഒരു വാഹനത്തിൽ തട്ടി ചില കേടുപാടുകൾ സംഭവിച്ചിട്ടുണ്ട്. സംഭവസ്ഥലത്തെത്തിയ അധികൃതർ ഹെലികോപ്റ്റർ മാറ്റി ഗതാഗത തടസ്സം ഒഴിവാക്കി.

A private helicopter carrying Kedarnath pilgrims made an emergency landing on a road in Guptkashi, Uttarakhand, following a technical malfunction. The pilot's quick response averted a major disaster. Read more about the incident and safety measures taken.