തിരുവനന്തപുരം: വിഴിഞ്ഞത്ത് കടലിന്റെ അടിയിലേക്ക് താണുപോയ മത്സ്യബന്ധന ബോട്ട് കരയിലെടുക്കാനുള്ള ശ്രമം പരാജയപ്പെട്ടു. ക്രെയിൻ ഉപയോഗിച്ചുകൊണ്ട് ബോട്ട് പൊക്കിയെടുക്കാൻ ശ്രമം നടത്തിയെങ്കിലും കയർ പൊട്ടി ബോട്ട് നാല് തവണ കടലിലേക്ക് വീഴുകയായിരുന്നു. നിലവിൽ ബോട്ട് പൂർണമായും തകർന്ന നിലയിലാണ് ഉള്ളത്.

ഫിഷറീസ് വകുപ്പിന് കരാർ നൽകിയിരുന്ന ബോട്ടായിരുന്നു ഇത്. എട്ട് ദിവസങ്ങളോളം ബോട്ട് കടലിൽ കിടക്കുകയാണ്. മുങ്ങൽ വിദഗ്ധരുടെ സഹായത്തോടെ ബോട്ടിന്റെ ഇരു ഭാഗങ്ങളിലുമായി ക്രെയ്നിൽ റോപ്പ് കെട്ടി പൊക്കിയെടുക്കാൻ ശ്രമിച്ചപ്പോഴായിരുന്നു ബോട്ട് വീണ്ടും പൊട്ടി കടലിലേക്ക് വീണത്. മണിക്കൂറുകളോളം ശ്രമിച്ചായിരുന്നു മുങ്ങൽ വിദഗ്ധർ കടലിന്റെ അടിത്തട്ടിലേക്ക് പോയി ബോട്ട് കെട്ടിയിരുന്നത്.

ബോട്ട് ഇനി കരക്ക് എടുക്കണമെങ്കിൽ വലിയ ക്രെയിൻ കൊണ്ടുവരേണ്ടിവരും. ജിയോ ഫോറൻസിക് നിർമ്മാണത്തിനായി കരാർ നൽകിയിരുന്നതാണ് ഓംങ്കാരോ എന്ന ഈ ബോട്ട്. ഇതിനോടകം തന്നെ 30 ലക്ഷത്തിലധികം രൂപയുടെ നഷ്ടം സംഭവിച്ചു എന്നാണ് ബോട്ട് ഉടമ ആബ്രോസ് അറിയിച്ചത്. സർക്കാറിന്റെ സഹായം ഇല്ലെങ്കിൽ ഇനി ബോട്ട് കരയിലെത്തിക്കാൻ സാധിക്കില്ലെന്നും ബോട്ട് ഉടമ പറഞ്ഞു. 

Attempt to land fishing boat in Vizhinjam fails rope breaks and boat falls into the sea