ഇടുക്കി: ധനുഷ്‌കോടി ദേശീയ പാതയിൽ അടിമാലിക്ക് സമീപം കാറും കെഎസ്ആർടിസി ബസും കൂട്ടിയിടിച്ചു. അടിമാലി ഭാഗത്തു നിന്നും കോട്ടയം ചേർത്തലയിലേക്ക് പോവുകയായിരുന്ന ബസും മൂന്നാർ ഭാഗത്തേക്ക് പോവുകയായിരുന്ന കാറുമാണ് അപകടത്തിൽ പെട്ടത്. കൊടും വളവിൽ ഇരു വാഹനങ്ങളും തമ്മിൽ കൂട്ടിയിടിക്കക്കുകയായിരുന്നു. അടിമാലി ഗ്യാസ് പടിക്ക് സമീപമാണ് അപകടം നടന്നത്. 

അപകടത്തിൽ കാർ യാത്രികന് ഗുരുതരമായ പരുക്ക് സംഭവിച്ചു. പരിക്കേറ്റയാളെ ആശുപത്രിയിൽ പ്രവേശിപ്പിക്കുകയും ചെയ്തു. കാറിൽ അഞ്ചു ആളുകൾ ഉണ്ടായിരുന്നുവെന്നാണ് ലഭിക്കുന്ന വിവരങ്ങൾ. അടിമാലി പൊലിസും ഫയർഫോഴ്സും സംഭവസ്ഥലത്തെത്തി തുടർ നടപടികൾ സ്വീകരിച്ചു. 

Car and KSRTC bus collide in Adimali one injured in accident