അബുദാബി: ഇന്ത്യൻ പൗരന്മാർക്ക് ഇനി 30 ദിവസം വരെ വിസയില്ലാതെ ഫിലിപ്പീൻസിൽ പ്രവേശിക്കാം. യുഎഇയിലെ ഫിലിപ്പൈൻ എംബസിയും ദുബായിലെ കോൺസുലേറ്റ് ജനറലും ഇറക്കിയ പുതിയ വിസാ നിയമത്തിൽ ആണ് ഈ മാറ്റങ്ങൾ ഉളളത്. ഇന്ന് മുതൽ ( 2025 ജൂൺ 8) പുതിയ ഇമിഗ്രേഷൻ നിയമങ്ങൾ പ്രാബല്യത്തിൽ വരും. ഇത്

പ്രകാരം ഇന്ത്യൻ പാസ്‌പോർട്ട് ഉടമകൾക്ക് 14 ദിവസം വരെ ടൂറിസം ആവശ്യങ്ങൾക്കായി വിസയില്ലാതെയും ഫിലിപ്പീൻസിൽ പ്രവേശിക്കാൻ കഴിയും. എന്നാല് താഴെ പറയുന്ന വ്യവസ്ഥകൾ അവർ പാലിക്കണം.

* ഉദ്ദേശിച്ച താമസത്തിനപ്പുറം കുറഞ്ഞത് ആറ് മാസത്തേക്ക് സാധുതയുള്ള പാസ്‌പോർട്ട്

* സ്ഥിരീകരിച്ച ഹോട്ടൽ താമസ ബില്ല്

 * അക്കൗണ്ട് സ്റ്റേറ്റ്മെൻ്റ്

* മറ്റൊരു രാജ്യത്തേക്കുള്ള മടക്കയാത്ര അല്ലെങ്കിൽ മുന്നോട്ടുള്ള ടിക്കറ്റ്. 

ടൂറിസ്റ്റ് വിസയിൽ 14 ദിവസത്തെ താമസം നീട്ടാൻ കഴിയില്ല. അതിനാൽ രണ്ടാഴ്ചത്തെ കാലയളവ് അവസാനിക്കുന്നതിന് മുമ്പ് വിനോദസഞ്ചാരികൾ രാജ്യം വിടണം. 

അതേസയം യുഎസ്, ജപ്പാൻ, ഓസ്‌ട്രേലിയ, കാനഡ, ഷെഞ്ചൻ സംസ്ഥാനങ്ങൾ, സിംഗപ്പൂർ, ബ്രിട്ടൺ എന്നീ AJACSSUK രാജ്യങ്ങളിൽ നിന്നുള്ള സാധുവായ വിസകളോ റസിഡൻ്റ് പെർമിറ്റുകളോ കൈവശമുള്ള ഇന്ത്യൻ പൗരന്മാർക്ക് 30 ദിവസം വരെ വിസ രഹിത താമസത്തിന് അർഹതയുണ്ട്. ഈ 30 ദിവസത്തെ താമസവും നീട്ടാൻ കഴിയില്ല. ഈ രാജ്യങ്ങളിൽനിന്ന് വരുന്ന ഇന്ത്യക്കാർ യാത്രക്കാർ സാധുവായ പാസ്‌പോർട്ടും റിട്ടേൺ അല്ലെങ്കിൽ തുടർന്നുള്ള ടിക്കറ്റും ഹാജരാക്കണം.

Philippines grants visa-free entry to Indian tourists from Today