കോഴിക്കോട്: കോഴിക്കോട് വെള്ളിമാട്കുന്നിലെ ജെഡിടി ഇസ്ലാം ആർട്സ് കോളേജിൽ സൺഷേഡ് ഇടിഞ്ഞുവീണ് നാല് വിദ്യാർഥികൾക്ക് പരുക്ക്. തലനാരിഴക്കാണ് വലിയൊരു ദുരന്തം ഒഴിവായത്. ഇന്ന് വൈകിട്ട് നാല് മണിയോടെയാണ് കോളേജ് കെട്ടിടത്തിന്റെ ഒന്നാം നിലയ്ക്ക് മുകളിലുള്ള സൺഷേഡിന്റെ ഭാഗം തകർന്ന് വീണത്. 

ALSO READ: ഇൻഡിഗോ പ്രതിസന്ധി മുതലെടുത്ത് വിമാനക്കമ്പനികൾ; ടിക്കറ്റ് നിരക്കിൽ വൻ വർധന

അപകടത്തിൽ നാല് വിദ്യാർഥികൾക്കാണ് പരുക്കേറ്റത്. ഇതിൽ ഒരു വിദ്യാർഥിയുടെ തലയ്ക്ക് കാര്യമായ പരുക്കേറ്റതായാണ് വിവരം. പരുക്കേറ്റ വിദ്യാർഥികളെ ഉടൻ തന്നെ കോഴിക്കോട്ടെ ഇഖ്റ ആശുപത്രിയിൽ പ്രവേശിപ്പിച്ചു.

ALSO READ: യാത്രക്കാർക്ക് ആശ്വാസം: ട്രെയിനിൽ മുതിർന്ന പൗരന്മാർക്കും സ്ത്രീകൾക്കും ലോവർ ബർത്ത് മുൻഗണന; എത്ര സീറ്റുകൾ ലഭിക്കും?

സൺഷേഡ് ഇടിഞ്ഞുവീഴുന്നതിന് തൊട്ടുമുൻപ് വരെ കെട്ടിടത്തിന് താഴെ മറ്റ് വിദ്യാർഥികളും ഉണ്ടായിരുന്നു. ആ സമയത്താണ് സൺഷേഡ് തകർന്ന് വീഴുന്നതെങ്കിൽ വലിയൊരു ദുരന്തത്തിലേക്ക് നയിക്കുമായിരുന്നു.  കെട്ടിടത്തിന് മുകളിൽ നിർമ്മാണ പ്രവൃത്തികൾ നടക്കുന്നുണ്ടായിരുന്നു. ഈ നിർമ്മാണ പ്രവർത്തനങ്ങളുമായി ബന്ധപ്പെട്ടാണോ അപകടം സംഭവിച്ചതെന്ന കാര്യത്തിൽ വ്യക്തത വന്നിട്ടില്ല. സംഭവത്തെക്കുറിച്ച് കോളേജ് അധികൃതർ അന്വേഷണം ആരംഭിച്ചു. 

sunshade collapse at JDT Islam Arts College Kozhikode injures four students; narrowly avoids major tragedy. injured shifted to hospital for treatment. latest update on Kozhikode college accident.