അഹമ്മദാബാദ്: ഗുജറാത്തിലെ അഹമ്മദാബാദിൽ എയർ ഇന്ത്യ വിമാനം തകർന്നുവീണുണ്ടായ അപകടത്തിനു പിന്നാലെ, രക്ഷാപ്രവർത്തനങ്ങൾക്കിടയിൽ മോഷണസംഭവങ്ങൾ റിപ്പോർട്ട് ചെയ്തതായി അധികൃതർ അറിയിച്ചു.

ന്യൂസ് ഏജൻസിയായ ഐഎഎൻഎസിന്റെ റിപ്പോർട്ട് പ്രകാരം, ഹോസ്റ്റലിനുള്ളിലെ സേഫുകളും സ്വകാര്യ വസ്തുക്കളും കൊള്ളയടിക്കപ്പെട്ട നിലയിൽ കണ്ടെത്തി. കൂടാതെ പണവും ആഭരണങ്ങളും മൊബൈൽ ഫോണുകളും സന്നദ്ധപ്രവർത്തകരെന്ന വ്യാജേന ആളുകൾ മോഷ്ടിച്ചതായി ആരോപിക്കപ്പെടുന്നു. അപകടത്തിന് ശേഷമുള്ള ഈ മോഷണ സംഭവങ്ങൾ പൗരന്മാർക്കും ഉദ്യോഗസ്ഥർക്കും ഇടയിൽ ഒരുപോലെ രോഷം ജനിപ്പിച്ചു.

അഹമ്മദാബാദിൽ നിന്ന് ലണ്ടനിലെ ഗാറ്റ്വിക്ക് വിമാനത്താവളത്തിലേക്ക് പുറപ്പെട്ട എയർ ഇന്ത്യയുടെ എഐ-171 വിമാനം വ്യാഴാഴ്ച ഉച്ചയ്ക്ക് ശേഷം സർദാർ വല്ലഭായ് പട്ടേൽ അന്താരാഷ്ട്ര വിമാനത്താവളത്തിൽ നിന്ന് ടേക്ക് ഓഫ് ചെയ്ത് മിനിറ്റുകൾക്കകം തകർന്നുവീഴുകയായിരുന്നു. 800 മീറ്റർ ഉയരം വരെ പറന്നുയർന്ന വിമാനം പെട്ടെന്ന് താഴ്ന്ന് നിലത്ത് ഇടിക്കുകയായിരുന്നു. 230 യാത്രക്കാരും 2 പൈലറ്റുമാരും 10 ക്യാബിൻ ക്രൂ അംഗങ്ങളും വിമാനത്തിലുണ്ടായിരുന്നു. അപകടത്തില്‍ മുന്‍ ഗുജറാത്ത് മുഖ്യമന്ത്രി വിജയ് രൂപാണി ഉള്‍പ്പെടെ 241 പേരാണ് മരിച്ചത്. ഈ അപകടത്തില്‍ വിമാനത്തിലുണ്ടായിരുന്ന ഒരാള്‍ ഒഴികെ എല്ലാവര്‍ക്കും ജീവഹാനി സംഭവിച്ചതായി റിപ്പോര്‍ട്ടുകള്‍ സൂചിപ്പിക്കുന്നു.

Authorities in Ahmedabad have reported incidents of looting during rescue operations following the tragic Air India plane crash in Gujarat. As emergency teams worked at the crash site, some individuals allegedly stole belongings from the wreckage, adding to the chaos of the disaster response. Investigations are ongoing.