പീരുമേട്: ഇടുക്കി പീരുമേട്ടില്‍ കാട്ടാന ആക്രമണത്തില്‍ ആദിവാസി സ്ത്രീ മരിച്ചു. മലമ്പണ്ടാര വിഭാഗത്തിലെ സീത (54) ആണ് ആക്രമണത്തില്‍ മരിച്ചത്. 

പീരുമേടിന് സമീപം വനത്തില്‍ വെച്ചാണ് ഇവരെ കാട്ടാന ആക്രമിച്ചത്. വന വിഭവങ്ങള്‍ ശേഖരിക്കാന്‍ പോയപ്പോഴായിരുന്നു കാട്ടാന ആക്രമണം.

ഗുരുതരമായി പരുക്കേറ്റ ഇവരെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം പീരുമേട് താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. 

സംഭവത്തില്‍ പ്രതിക്ഷേധവുമായി സിപിഎം ഫോറസ്റ്റ് ഓഫീസിലേക്ക് മാര്‍ച്ച് നടത്തി.