അബൂദബി: യുഎഇയിലെ ഇന്‍ഷുറന്‍സ് മേഖലയില്‍ സ്വദേശികള്‍ക്ക് ഉയര്‍ന്ന പ്രാധാന്യം നല്‍കുന്നതിനായി സര്‍ക്കാര്‍ പുതിയ നയങ്ങള്‍ പ്രഖ്യാപിച്ചു. യുഎഇയുടെ സാമ്പത്തിക കാര്യ സഹമന്ത്രി മുഹമ്മദ് അല്‍ ഹുസൈനി ഫെഡറല്‍ നാഷനല്‍ കൗണ്‍സിലിലാണ് (എഫ്എന്‍സി) ഈ തീരുമാനം അറിയിച്ചത്. 2027 മുതല്‍ 2030 വരെയുള്ള കാലയളവില്‍ ഈ മേഖലയിലെ ജോലികളില്‍ 50% മുതല്‍ 60% വരെ സ്വദേശികളെ ഉള്‍പ്പെടുത്താനാണ് പദ്ധതികള്‍. കമ്പനിയുടെ വലിപ്പം അനുസരിച്ച് സ്വദേശിവത്കരണത്തിന്റെ അനുപാതം നിര്‍ണയിക്കും.

2 മുതല്‍ 19 വരെ ജീവനക്കാരുള്ള സ്ഥാപനങ്ങള്‍ വാര്‍ഷികമായി ഒരു സ്വദേശിയെയെങ്കിലും നിയമിക്കണം. 20 ലേറെ ജോലിക്കാരുള്ള കമ്പനികള്‍ 30ശതമാനം സ്വദേശി ജീവനക്കാരെ ഉള്‍പ്പെടുത്തണമെന്ന് നിര്‍ബന്ധമാണ്. കൂടാതെ, ഇന്‍ഷുറന്‍സ് കമ്പനികളുടെ പ്രധാന തസ്തികകളില്‍ 45% സ്വദേശികളും, സിഇഒ അല്ലെങ്കില്‍ ജനറല്‍ മാനേജര്‍ പോസ്റ്റുകളില്‍ 30% സ്വദേശികളും ഉണ്ടായിരിക്കണം. 

നിലവിലെ സ്ഥിതിവിവരക്കണക്കുകള്‍ പ്രകാരം, ഇന്‍ഷുറന്‍സ് മേഖലയില്‍ പ്രവര്‍ത്തിക്കുന്ന 9,773 ജീവനക്കാരില്‍ 2,159 പേര്‍ (22.09%) സ്വദേശികളാണ്. ഈ കണക്കുകള്‍ സ്വദേശിവത്കരണത്തില്‍ ശ്രദ്ധേയമായ പുരോഗതി കൈവരിച്ചതിന് തെളിവാണെന്ന് മന്ത്രി പറഞ്ഞു. 2026 ഓടെ ഈ അനുപാതം 30 ശതമാനം ആയി ഉയര്‍ത്താനുള്ള പദ്ധതിയും അദ്ദേഹം വ്യക്തമാക്കി. നിയമങ്ങള്‍ ലംഘിക്കുന്ന കമ്പനികള്‍ക്ക് 60,000 ദിര്‍ഹം പിഴ ചുമത്തും. നിയമലംഘനങ്ങള്‍ കണ്ടെത്താനും, കൃത്രിമം തടയാനും ഒരു പ്രത്യേക സമിതിയും രൂപീകരിച്ചിട്ടുണ്ട്.

The UAE government has introduced new policies aimed at increasing the participation of Emiratis in the insurance sector. Minister of State for Financial Affairs, Mohamed Al Hussaini, announced at the Federal National Council (FNC) that by 2027–2030, Emiratis are expected to comprise 50% to 60% of the workforce in this sector. The percentage will vary based on the size of each company.