കുവൈത്ത് സിറ്റി: രാജ്യത്ത് ഇന്നു മുതല്‍ താപനില ക്രമാതീതമായി ഉയരുമെന്ന് കാലാവസ്ഥാ വകുപ്പ് അറിയിച്ചു.  തിങ്കളാഴ്ചയോടെ ചൂട് അതിശക്തമാകുമെന്നാണ് കണക്കുകൂട്ടല്‍. താപനില 52 ഡിഗ്രി സെല്‍ഷ്യസില്‍ എത്താനാണ് സാധ്യത. ഉപരിതലത്തിലെ ന്യൂനമര്‍ദം കൂടുതല്‍ ശക്തിപ്പെടുന്നതിനാലാണ് താപനിലയില്‍ മാറ്റമുണ്ടാകുന്നതെന്ന് കാലാവസ്ഥാ ഡയറക്ടര്‍ ധരാര്‍ അല്‍ അലി വ്യക്തമാക്കി.

വ്യാഴാഴ്ച ഏകദേശം 44 ഡിഗ്രി സെല്‍ഷ്യസാണ് കുവൈത്തില്‍ രേഖപ്പെടുത്തിയത്. എന്നാല്‍ വെള്ളയാഴ്ച ഇത് 48 ഡിഗ്രി സെല്‍ഷ്യസായി ഉയരുമെന്നാണ് നിരീക്ഷണം.

ALSO READ: കുവൈത്ത്: പെട്രോൾ പമ്പിൽ ഇന്ധനം നിറക്കുന്നതിനിടെ കാറിൽ നിന്ന് തീ; വലിയ അപകടം ഒഴിവാക്കി പെട്രോൾ പമ്പ് ജീവനക്കാർ

കുവൈത്തില്‍ ചൂട് ഈര്‍പ്പമുള്ള കാറ്റ് വീശുന്നതും ഉപരിതല ന്യൂനമര്‍ദത്തിന്റെ സ്വാധീനം വര്‍ധിക്കുന്നതുമാണ് താപനില വര്‍ധനവിന്റെ കാരണമെന്ന് ധരാര്‍ അലി പറഞ്ഞു. തെക്കുകിഴക്കന്‍ കാറ്റ് ക്രമേണ വടക്കുപടിഞ്ഞാറന്‍ ദിശയിലേക്ക് മാറുമെന്നാണ് കാലാവസ്ഥാ വകുപ്പ് വിദഗ്ധര്‍ കരുതുന്നത്. ഇക്കാരണത്താല്‍ ചൂടിന്റെ കാഠിന്യം വര്‍ധിക്കുമെന്നും വിദഗ്ധര്‍ പറയുന്നു.

ഞായാറാഴ്ചയും താപനില കൂടാനാണ് സാധ്യത. കുവൈത്തിലെ വിമാനത്താവളങ്ങളില്‍ വരും ദിവസങ്ങളില്‍ ചൂട് 50 ഡിഗ്രിക്കു മുകളില്‍ എത്തുമെന്നും കാലാവസ്ഥാ വിദഗ്ധര്‍ പ്രവചിക്കുന്നു. വരുംദിവസങ്ങളില്‍ പകല്‍സമയത്തും രാത്രിയിലും അതികഠിനമായ ചൂട് അനുഭവപ്പെടാനാണ് സാധ്യത.

ALSO READ: കുവൈത്തിനു പുറത്തുപോകാൻ പ്രവാസികൾക്ക് എക്സിറ്റ് പെർമിറ്റ് നിർബന്ധമാക്കുന്നു

പകല്‍സമയത്ത് നേരിട്ട് സൂര്യപ്രകാശം ഏല്‍ക്കുന്നത് ഒഴിവാക്കാനും ധാരാളം വെള്ളം കുടിക്കാനും അധികൃതര്‍ പൊതുജനങ്ങള്‍ക്ക് മുന്നറിയിപ്പ് നല്‍കി. 

ഇന്ത്യന്‍ മണ്‍സൂണിന്റെ സ്വാധീനം രാജ്യത്ത് തുടരുമെന്നും ഇത് ചൂടും ഈര്‍പ്പവുമുള്ള കാലാവസ്ഥയ്ക്ക് കാരണമാകുമെന്നും വിദഗ്ധര്‍ അറിയിച്ചു.

Kuwait braces for extreme heat as temperatures are expected to hit 52°C. Residents urged to take precautions as the intense summer weather peaks.