കൊല്ലം: സര്‍ക്കാര്‍ ഓഫീസുകളില്‍ ഓണാഘോഷം നടത്തരുതെന്നും അത്തപൂക്കളം ഒരുക്കരുതുമെന്നുമുള്ള മുഖ്യമന്ത്രി പിണറായി വിജയന്റെ നിലപാടിലും സര്‍ക്കാര്‍ ഉത്തരവിലും പ്രതിഷേധിച്ച് യുവമോര്‍ച്ച, മഹിളാമോര്‍ച്ച പ്രവര്‍ത്തകര്‍ സര്‍ക്കാര്‍ ഓഫീസുകള്‍ക്ക് മുന്നില്‍ അത്തപൂക്കളമൊരുക്കി പ്രതിഷേധിച്ചു.
താലൂക്ക് ഓഫിസിന് മുന്നില്‍ അത്തപൂക്കളമൊരുക്കാന്‍ അനുവദിക്കരുതെന്ന് താലൂക്ക് ഓഫിസര്‍ അറിയിച്ചതായി കാണിച്ചു പൊലിസ് രംഗത്ത് എത്തിയത് വാക്കേറ്റത്തിന് കാരണമായി. യുവമോര്‍ച്ച സംസ്ഥാന വൈസ് പ്രസിഡന്റ് അഡ്വ.ആര്‍.എസ്.പ്രശാന്ത്, ജില്ലാ പ്രസിഡന്റ് സനില്‍കരുനാഗപ്പള്ളി, ജില്ലാ ജനറല്‍ സെക്രട്ടറിമാരായ ജിതിന്‍ദേവ്,കൃഷ്ണകുമാര്‍എന്നിവര്‍ അത്തപ്പൂക്കളമൊരുക്കുന്നതിന് നേതൃത്വം നല്‍കി.
കോര്‍പ്പറേഷന്‍ ഓഫീസിന് മുന്നില്‍ നടന്ന അത്തപ്പൂക്കള പ്രതിഷേധ പരിപാടിക്ക് മഹിളാമോര്‍ച്ച ജില്ലാ പ്രസിഡന്റ് സുമാദേവി, ജില്ലാ ജനറല്‍ സെക്രട്ടറി അഡ്വ.ബിറ്റി.സുധീര്‍. സുധാചന്ദ്രന്‍, പുഷ്പലത, ചന്ദ്രലേഖ എന്നിവര്‍ നേതൃത്വം നല്‍കി.