ടെഹ്റാന്‍: ഇറാന്‍- ഇസ്‌റാഈല്‍ സംഘര്‍ഷം രൂക്ഷമായു തുടരുന്നു. അതിനിടക്ക് ഇറാനിലെ ആണവ കേന്ദ്രങ്ങള്‍ ലക്ഷ്യമിട്ടുള്ള ആക്രമണത്തിന് ഇസ്‌റാഈല്‍ ഒരുങ്ങുന്നതായി സൂചനയുണ്ട്. ആണവ കേന്ദ്രങ്ങളുടെ സമീപത്തുനിന്ന് ഒഴിയണമെന്ന് ഇറാന്‍ പൗരന്മാര്‍ക്ക് ഇസ്‌റാഈല്‍ മുന്നറിയിപ്പ് നല്‍കിയതായി അന്താരാഷ്ട്ര മധ്യമങ്ങള്‍ റിപ്പോര്‍ട്ട് ചെയ്യുന്നു. 

'എല്ലാ ഇറാനിയന്‍ പൗരന്മാര്‍ക്കും അടിയന്തര മുന്നറിയിപ്പ്: സൈനിക ആയുധ നിര്‍മാണ ഫാക്ടറികളള്‍ക്കും അവയുടെ സഹ സ്ഥാപനങ്ങള്‍ക്കും അരികിലുള്ള മുഴുവനാളുകളും ഉടന്‍ തന്നെ പ്രദേശം വിട്ട് ഒഴിയേണ്ടതാണ്. ഇനിയൊരു അറിയിപ്പ് ഉണ്ടാകുന്നതുവരെ തിരികെ പോകരുതെന്നും അറിയിക്കുന്നു.' ഇസ്‌റാഈല്‍ സൈന്യം സോഷ്യല്‍ മീഡിയയില്‍ പങ്കുവെച്ച പോസ്റ്റില്‍ പറയുന്നു. സൈന്യത്തിന്റെ ഫാര്‍സി ഭാഷയിലുള്ള സോഷ്യല്‍ മീഡിയ അക്കൗണ്ടിലാണ് വിവരം പങ്കുവെച്ചിട്ടുള്ളത്.

പ്രതിരോധ മന്ത്രാലയത്തിന് ആക്രമണമുണ്ടായെന്നും ഇറാനി മാധ്യമങ്ങള്‍ റിപ്പോര്‍ട്ട് ചെയ്യുന്നു. ഇസ്ഫഹാനിലെ പ്രതിരോധ മന്ത്രാലയവുമായി ബന്ധപ്പെട്ട ഒരു കേന്ദ്രത്തിന് നേരെയാണ് ആക്രമണം ഉണ്ടായത്, നാശനഷ്ടങ്ങള്‍ എന്തൊക്കെ സംഭവിച്ചു എന്നത് അന്വേഷിച്ചുകൊണ്ടിരിക്കുകയാണ്,' ഡെപ്യൂട്ടി പ്രവിശ്യാ ഗവര്‍ണര്‍ അക്ബര്‍ സലേഹിയെ ഉദ്ധരിച്ച് ഐഎസ്എന്‍എ വാര്‍ത്താ ഏജന്‍സി റിപ്പോര്‍ട്ട് ചെയ്തു.

ALSO READ: ഇസ്‌റാഈലിന്റെ എഫ്-35 വിമാനങ്ങള്‍ ഇറാന്‍ വെടിവെച്ചിട്ടു?; തകര്‍ത്തത് 700 കോടി വിലവരുന്ന യുദ്ധവിമാനം

അതേസമയം, ഇറാന്റെ തിരിച്ചടി ഇസ്‌റാഈലിന് കനത്ത ആഘാതമുണ്ടാക്കിയെന്ന് ഇസ്‌റാഈല്‍ മാധ്യമങ്ങള്‍ തന്നെ റിപ്പോര്‍ട്ട് ചെയ്യുന്നു. ഇന്നലെ മധ്യ ഇസ്‌റാഈലിലെ ജാഫയിലും തെല്‍ അവീവിലുമുണ്ടായ ഇറാന്റെ പ്രത്യാക്രമണത്തെ തുടര്‍ന്ന് രാജ്യത്തുടനീളം ഭീതിയുടെ അന്തരീക്ഷം രൂപപെട്ടുവെന്നാണ് ഇസ്‌റാഈലി മാധ്യമങ്ങള്‍ റിപ്പോര്‍ട്ട് ചെയ്തത്. ഇറാന്‍ ആക്രമണത്തില്‍ ഇസ്‌റാഈലില്‍ പത്തു പേര്‍ കൊല്ലപ്പെടുകയും 200ലധികം പേര്‍ക്ക് പരിക്കേല്‍ക്കുകയും 35ലധികം പേരെ കാണാതാവുകയും ചെയ്തിട്ടുണ്ട്.

As Iran-Israel conflict intensifies, Israel has warned Iranian civilians to evacuate areas near nuclear and military sites. Iranian media report attacks on a defense ministry facility in Isfahan. Iran’s earlier retaliation left 10 Israelis dead and over 200 injured.