സയിദ് ഇന്റർനാഷണൽ എയർപോർട്ടിലെ വിമാന സർവിസുകൾ ഇന്നും തടസപെട്ടതായി എയർപോർട്ട് അധികൃതർ അറിയിച്ചു. “വിമാന സർവിസുകൾ… കാല താമസങ്ങളും റദ്ദാക്കലുകളും ഉൾപ്പെടെയുള്ള തടസ്സങ്ങൾ നേരിടുന്നു. ഞങ്ങൾ എയർലൈനുകളുമായും സർക്കാർ പങ്കാളികളുമായും ചേർന്ന് പ്രവർത്തിക്കുന്നു,” എയർപോർട്ടിന്റെ പ്രസ്താവനയിൽ വ്യക്തമാക്കി.

യാത്രക്കാർ എയർപോർട്ടിലേക്ക് പുറപ്പെടുന്നതിന് മുമ്പ് അവരുടെ എയർലൈനുകളുമായി ബന്ധപ്പെട്ട് ഏറ്റവും പുതിയ വിമാന വിവരങ്ങൾ പരിശോധിക്കണമെന്ന് എയർപോർട്ട് അറിയിച്ചു.

ഇറാൻ, ഇറാഖ്, ഇസ്റാഈൽ, മേഖലയിലെ മറ്റു ചില ഭാഗങ്ങൾ എന്നിവിടങ്ങളിലെ വ്യോമപാത അടച്ചതിനെ തുടർന്ന് യുഎഇയിലെ പ്രധാന വിമാനക്കമ്പനികളായ എമിറേറ്റ്സ്, എത്തിഹാദ്, ഫ്ലൈദുബൈ, എയർ അറേബ്യ എന്നിവ വ്യാപകമായ വിമാന റദ്ദാക്കലുകളും റൂട്ട് മാറ്റങ്ങളും പ്രഖ്യാപിച്ചിട്ടുണ്ട്.

ദുബൈ, അബൂദബി, ഷാർജ എന്നിവിടങ്ങളിലൂടെ മിഡിൽ ഈസ്റ്റിലെ ലക്ഷ്യസ്ഥാനങ്ങളിലേക്ക് യാത്ര ചെയ്യുന്നവർ തങ്ങളുടെ വിമാന സ്റ്റാറ്റസ് പരിശോധിക്കണമെന്നും ബുക്കിംഗ് മാറ്റിവയ്ക്കാനുള്ള ഓപ്ഷനുകൾ പരിഗണിക്കണമെന്നും അറിയിച്ചിട്ടുണ്ട്. 

ദുബൈ ആസ്ഥാനമായുള്ള എമിറേറ്റ്സ് ജോർദാൻ (അമ്മാൻ), ലെബനൻ (ബെയ്റൂട്ട്), ഇറാൻ (തെഹ്റാൻ), ഇറാഖ് (ബാഗ്ദാദ്, ബസ്റ) എന്നിവിടങ്ങളിലേക്കുള്ള വിമാനങ്ങൾ ജൂൺ 30 വരെ നിർത്തിവച്ചു, ജോർദാനിലേക്കും ലെബനനിലേക്കുമുള്ള വിമാനങ്ങൾ ജൂൺ 22 വരെ റദ്ദാക്കി. ടെൽ അവീവിലേക്കും തിരിച്ചുമുള്ള എല്ലാ വിമാന സർവിസുകളും തുടർന്നും റദ്ദാക്കിയിരിക്കുകയാണ്.

Flight services at Said International Airport are experiencing disruptions today due to technical issues, resulting in delays and cancellations. Airport authorities are working closely with airlines and government stakeholders to resolve the situation and minimize inconvenience to passengers [1].