കോഴിക്കോട്: താമരശേരി ചുരത്തില്‍ മണ്ണിടിച്ചിലിനെ തുടര്‍ന്ന് തടസപ്പെട്ട ഗതാഗതം പുനസ്ഥാപിച്ചു. കല്ലുകളും മണ്ണും പൂര്‍ണമായും നീക്കിയതിന് ശേഷമാണ് വാഹനങ്ങള്‍ കടത്തി വിടാന്‍ ആരംഭിച്ചത്. ഇന്നലെയാണ് ചുരം ഒന്‍പതാം വളവില്‍ മണ്ണിടിച്ചിലുണ്ടായത്.

ചുരം സംരക്ഷണ സമിതി, ജില്ല ഫയര്‍ഫോഴ്സ്, പൊലിസ്, നാട്ടുകാര്‍ ഉള്‍പ്പെട്ട സംഘത്തിന്റെ കൂട്ടായ പരിശ്രമ ഫലമായാണ് മണ്ണ് പൂര്‍ണമായും നീക്കി ഗതാഗതം പുനരാരംഭിക്കാനായത്. മണ്ണും പാറയും നീക്കിയതിന് ശേഷം ഫയര്‍ ഫോഴ്‌സ് റോഡിലെ ചളി വെള്ളം ഒഴിച്ച് നീക്കം ചെയ്തു. വൈത്തിരിയിലും, ലക്കിടിയിലും ചുരത്തിലുമടക്കം കുടുങ്ങി കിടക്കുന്ന എല്ലാ വാഹനങ്ങള്‍ക്കും കടന്നുപോകാന്‍ സാധിക്കും. വാഹനങ്ങള്‍ പൂര്‍ണമായും കടത്തി വിട്ടതിന് ശേഷം മുന്‍കരുതലിന്റെ ഭാഗമായി ഇന്ന് ചുരം അടച്ചിടും. നാളെ രാവിലെ സുരക്ഷ പരിശോധനക്ക് ശേഷം ഗതാഗതം സാധാരണ ഗതിയില്‍ പുനരാരംഭിക്കുമെന്നും അധികൃതര്‍ അറിയിച്ചു. 

ഇന്നലെ രാത്രിയോടെയാണ് ചുരം ഒന്‍പതാം വളവില്‍ വ്യൂപോയിന്റിന് സമീപത്തായി മണ്ണിടിച്ചിലുണ്ടായത്. കല്ലുകളും, പാറയും മുകളില്‍ നിന്ന് റോഡിലേക്ക് പതിച്ചിരുന്നു. സാവധാനമാണ് മണ്ണിടിഞ്ഞത്. അതിനാല്‍ വന്‍ ദുരന്തം ഒഴിവായി. അപകടത്തില്‍ ആര്‍ക്കും പരിക്കേറ്റിട്ടില്ല.

മണ്ണിടിഞ്ഞതിനെ തുടര്‍ന്ന് 26 മണിക്കൂറോളം ചുരത്തില്‍ വാഹന ഗതാഗതം തടസപ്പെട്ടു. മണ്ണ് നീക്കുന്നതിനിടെ പ്രദേശത്ത് നേരിയ തോതില്‍ വീണ്ടും മണ്ണിടിഞ്ഞിരുന്നു. ഇത് റോഡ് വൃത്തിയാക്കുന്നത് വൈകാന്‍ കാരണമായി.

ALSO READ: സംസ്ഥാനത്ത് പൂട്ടിയ ക്വാറികൾ നിയമപരമായി ക്രമവത്കരിക്കും: മന്ത്രി കെ രാജൻ

Traffic has been restored on the Thamarassery Ghat road after a landslide caused a blockage. Vehicles were allowed to pass only after the complete removal of rocks and soil.