കണ്ണൂര്‍: കണ്ണൂര്‍ സെന്‍ട്രല്‍ ജയിലില്‍ നിന്ന് വീണ്ടും മൊബൈല്‍ ഫോണ്‍ പിടികൂടി. ന്യൂ ബ്ലോക്കിലെ തടവുകാരന്‍ യുടി ദിനേശന്റെ സെല്ലില്‍ നിന്നാണ് ഫോണ്‍ കണ്ടെടുത്തതെന്നാണ് റിപ്പോര്‍ട്ട്. സംഭവത്തില്‍ ടൗണ്‍ പൊലിസ് കേസെടുത്ത് അന്വേഷണം ആരംഭിച്ചു. 

ദിനേശന്റെ സെല്ലില്‍ ഒളിപ്പിച്ച നിലയിലാണ് ഫോണ്‍ കണ്ടെടുത്തത്. ഇയാള്‍ തൃശൂര്‍ സ്വദേശിയാണെന്നാണ് പ്രാഥമിക വിവരം. ജയില്‍ സൂപ്രണ്ട് നടത്തിയ പരിശോധനയിലാണ് സിം കാര്‍ഡും ഫോണും കണ്ടെടുത്തത്. 

കഴിഞ്ഞ ദിവസം ജയിലിലേക്ക് മൊബൈല്‍ ഫോണ്‍ എറിഞ്ഞ് കൊടുക്കുന്നതിനിടെ പനങ്കാവ് സ്വദേശി പിടിയിലായിരുന്നു. ഞായറാഴ്ച്ച വൈകീട്ട് 3 മണിയോടെയാണ് സംഭവം. പനങ്കാവ് സ്വദേശി അക്ഷയ് കെ യാണ് പൊലിസിന്റെ പിടിയിലായത്. ജയില്‍ വളപ്പില്‍ എത്തിയ അക്ഷയും സുഹൃത്തുക്കളും മൊബൈല്‍ ഫോണും ലഹരി വസ്തുക്കളും ജയിലിനകത്തേക്ക് എറിയാന്‍ ശ്രമിക്കുകയായിരുന്നു. ജയില്‍ വാര്‍ഡന്‍മാര്‍ ചേര്‍ന്ന് പ്രതിയെ പിടികൂടി. 

ജയിലിലേക്ക് വസ്തുക്കള്‍ എറിഞ്ഞ് നല്‍കിയാല്‍ 1000 രൂപ മുതല്‍ 2000 രൂപവരെയാണ് കൂലി. വിശദമായ ചോദ്യം ചെയ്യലില്‍ അക്ഷയ് തന്നെയാണ് ഇക്കാര്യങ്ങള്‍ വെളിപ്പെടുത്തിയത്. ദേശീയ പാതയോട് ചേര്‍ന്നുള്ള മതിലിന് സമീപത്ത് നിന്നാണ് മൊബൈലും ലഹരി വസ്തുക്കളും അകത്തേക്ക് എറിയുക. ജയിലിന് പുറത്തുള്ള ആളാണ് ലഹരി വസ്തുക്കളും, മൊബൈലും എറിഞ്ഞ് നല്‍കാന്‍ ഏല്‍പ്പിക്കുന്നത്. സംഭവ സമയത്ത് ജയിലിനകത്ത് നിന്ന് പുറത്തേക്ക് കല്ലെറിഞ്ഞ് സിഗ്നല്‍ നല്‍കും. ജയില്‍ പുള്ളികള്‍ക്ക് സാധനം ലഭിച്ച് കഴിഞ്ഞാല്‍ ഗൂഗിള്‍ പേ വഴി പണം അക്കൗണ്ടിലെത്തുമെന്നും അക്ഷയ് പറഞ്ഞിരുന്നു.

ALSO READ: വടകരയിൽ ഷാഫി പറമ്പിൽ എം.പിയെ തടഞ്ഞ സംഭവം; ക്ലിഫ് ഹൗസിലേക്ക് നൈറ്റ് മാര്‍ച്ച് നടത്തി കോണ്‍ഗ്രസ്; തടഞ്ഞ് പൊലിസ്; സംഘര്‍ഷം

A mobile phone was seized again from Kannur Central Jail. The phone was found in the cell of UD Dinesh, an inmate in the New Block. The Town Police have registered a case and started an investigation into the matter.