യുഎഇ: ഹിജ്‌റ വര്‍ഷാരംഭത്തിന്റെ (ചാന്ദ്ര കലണ്ടര്‍) ഭാഗമായി ജൂണ്‍ 26 (വ്യാഴാഴ്ച) പൊതുമേഖലയ്ക്ക് ഒരു ദിവസത്തെ അവധി പ്രഖ്യാപിച്ചതായി കുവൈത്ത് ന്യൂസ് ഏജന്‍സി (KUNA) റിപ്പോര്‍ട്ട് ചെയ്തു. രാജ്യത്തെ എല്ലാ മന്ത്രാലയങ്ങളും, സര്‍ക്കാര്‍ സ്ഥാപനങ്ങളും, പൊതു സ്ഥാപനങ്ങളും ജൂണ്‍ 26 ന് അവധി ആചരിക്കും. അവധിക്കു ശേഷം ജൂണ്‍ 29 ഞായറാഴ്ച മുതല്‍ സാധാരണ ജോലി സമയം പുനരാരംഭിക്കും. 

പ്രധാനമന്ത്രി ഷെയ്ഖ് അഹമ്മദ് അബ്ദുല്ല അല്‍അഹ്മദ് അല്‍സബാഹിന്റെ അധ്യക്ഷതയില്‍ ചേര്‍ന്ന മന്ത്രിസഭയുടെ പതിവ് പ്രതിവാര യോഗത്തിലാണ് ഈ തീരുമാനം. ഇസ്‌ലാമിക പുതുവത്സരാഘോഷ വേളയില്‍ അമീര്‍ ഷെയ്ഖ് മെഷാല്‍ അല്‍അഹ്മദ് അല്‍ജാബര്‍ അല്‍സബാഹ്, കിരീടാവകാശി ഷെയ്ഖ് സബാഹ് ഖാലിദ് അല്‍ഹമദ് അല്‍സബാഹ്, കുവൈത്ത് ജനത എന്നിവര്‍ക്ക് മന്ത്രിസഭ ആശംസകള്‍ അറിയിച്ചു.

ALSO READ: ഹിജ്‌റ വര്‍ഷാരംഭം: ജൂണ്‍ 27ന് യുഎഇയില്‍ പൊതു അവധി

ഹിജ്‌റ വര്‍ഷാരംഭം അഥവാ ഇസ്‌ലാമിക പുതുവത്സരം

എഡി 622ല്‍ പ്രവാചകന്‍ മുഹമ്മദ് നബി മക്കയില്‍ നിന്ന് മദീനയിലേക്ക് ഹിജ്‌റ (കുടിയേറ്റം) നടത്തിയതിന്റെ ഓര്‍മയ്ക്കായാണ് ഹിജ്‌റ വര്‍ഷാരംഭം അഥവാ ഇസ്‌ലാമിക പുതുവത്സരം. ഇത് ഇസ്‌ലാമിക ചാന്ദ്ര കലണ്ടറിന്റെ തുടക്കം കുറിക്കുന്നു. ഈദുല്‍ ഫിത്തര്‍, ഈദുല്‍ അദ്ഹ പോലെ വലിയ രീതിയിലുള്ള ആഘോഷങ്ങളോടെ ഇത് ആചരിക്കാറില്ലെങ്കിലും, ഇസ്‌ലാമിക ലോകത്ത് പ്രധാനപ്പെട്ട ദിനമാണിത്. അതേസമയം, അറബ് രാജ്യങ്ങളില്‍ ഇത് പൊതു അവധിയായി അംഗീകരിക്കപ്പെട്ടിട്ടുണ്ട്.

The Kuwaiti government has declared June 26 as a public holiday to commemorate the Islamic New Year, also known as Hijri New Year. This day marks the beginning of the new Islamic lunar calendar year and is observed by all ministries, government bodies, and public institutions in Kuwait. Regular working hours will resume on Sunday, June 29 ¹ ².