ദുബൈ: ദുബൈ കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയും എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം, യുഎഇയുടെ കലയും സംസ്‌കാരവും ആഗോളതലത്തില്‍ ശക്തിപ്പെടുത്തുന്നതിനായി 'ദുബൈ ഓര്‍ക്കസ്ട്ര' എന്ന സുപ്രധാന സാംസ്‌കാരിക പദ്ധതിക്ക് അംഗീകാരം നല്‍കി.

Under the directives of His Highness Sheikh Hamdan bin Mohammed bin Rashid Al Maktoum, Crown Prince of Dubai, Deputy Prime Minister, Minister of Defence, and Chairman of The Executive Council of Dubai, @TECofDubai has approved the Dubai Orchestra project. Led by @DubaiCulture ,… pic.twitter.com/Wke886I25j

— Latifa MR Al Maktoum (@hhshklatifa) June 18, 2025

ദുബൈ കള്‍ച്ചര്‍ നേതൃത്വം നല്‍കുന്ന ഈ ദുബൈ ഓര്‍ക്കസ്ട്ര, പൊതുസ്വകാര്യ മേഖലകളുടെ സഹകരണത്തോടെയാണ് ആരംഭിച്ചിരിക്കുന്നത്. ആഗോള കലാവേദികളില്‍ ദുബൈയുടെ സാന്നിധ്യം പ്രകടമാക്കുന്നതിനും, സാംസ്‌കാരികവും മാനുഷികവുമായ സര്‍ഗാത്മകതയുടെ സന്ദേശം പുതുതലമുറകള്‍ക്ക് കൈമാറാന്‍ കഴിവുള്ളവരെ വളര്‍ത്തിയെടുക്കുന്നതിനുമാണ് ഈ പദ്ധതി ലക്ഷ്യമിടുന്നത്.

ALSO READ: 2025 ലെ ലോകത്തിലെ നാലാമത്തെ മികച്ച എയർലൈൻ; സ്‌കൈട്രാക്‌സ് അവാർഡുകളിൽ ഒന്നിലധികം വിഭാ​ഗങ്ങളിൽ പുരസ്കാര തിളക്കവുമായി എമിറേറ്റ്സ്

പ്രാദേശിക സംഗീത മേഖലയെ മുന്നോട്ടു നയിക്കുന്നതിനും, എമിറാത്തി പ്രതിഭകളെ പ്രചോദിപ്പിക്കുന്നതിനും ശാക്തീകരിക്കുന്നതിനും, ഈ ഓര്‍ക്കസ്ട്ര പദ്ധതി ലക്ഷ്യമിടുന്നു. കൂടാതെ, 2025ഓടെ ദുബൈയെ സര്‍ഗാത്മകതയുടെ ആഗോള കേന്ദ്രമായി ഉറപ്പിക്കാന്‍ ലക്ഷ്യമിടുന്ന ദുബൈ ക്രിയേറ്റീവ് എക്കണോമി സ്ട്രാറ്റജിയെയും ദുബൈ സോഷ്യല്‍ അജണ്ട 33നെയും ഈ പദ്ധതി പിന്തുണയ്ക്കുന്നു.

രാജ്യത്തിന്റെ കലാമേഖലയെ പ്രചോദിപ്പിക്കാനും പുതുജീവന്‍ നല്‍കാനും ഉദ്ദേശിക്കുന്ന ഈ ഓര്‍ക്കസ്ട്ര, യുവജനങ്ങള്‍ക്കായുള്ള പ്രോഗ്രാമുകള്‍, കമ്മയൂണിറ്റി സ്ഥാപനങ്ങളുമായുള്ള പങ്കാളിത്തം എന്നിവ ഉള്‍പ്പെടെ നിരവധി സംരംഭങ്ങള്‍ ആരംഭിക്കും.