അബൂദബി: യുഎഇയില്‍ വിസ കാലാവധി കഴിഞ്ഞ് താമസിക്കുന്ന ഇറാന്‍ പൗരന്മാര്‍ക്ക് പിഴയില്‍ ഇളവ് പ്രഖ്യാപിച്ചു. ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ്, പോര്‍ട്ട് സെക്യൂരിറ്റിയുടെ (ഐസിപി) തീരുമാനപ്രകാരം, താമസ വിസയോ സന്ദര്‍ശക വിസയോ ഉള്ള ഇറാനിയന്‍ പൗരന്മാര്‍ രാജ്യം വിടുന്നതില്‍ കാലതാമസം നേരിട്ടതിന്റെ പിഴകളില്‍ നിന്ന് ഒഴിവാക്കപ്പെടും. ഈ ആനുകൂല്യം ലഭിക്കാന്‍ അര്‍ഹരായവര്‍ സ്മാര്‍ട്ട് സര്‍വിസ് പ്ലാറ്റ്‌ഫോമിലൂടെ രജിസ്റ്റര്‍ ചെയ്യുകയോ രാജ്യത്തെ ഉപഭോക്തൃ സേവന കേന്ദ്രങ്ങള്‍ സന്ദര്‍ശിക്കുകയോ ചെയ്യണമെന്ന് അധികൃതര്‍ അറിയിച്ചു. വ്യോമാതിര്‍ത്തി അടയ്ക്കുകയും വിമാന സര്‍വിസുകള്‍ നിര്‍ത്തിവെക്കുകയും ചെയ്തതിനാല്‍ സ്വദേശത്തേക്ക് മടങ്ങാന്‍ കഴിയാത്തവര്‍ക്ക് ആശ്വാസം നല്‍കുകയാണ് ഈ തീരുമാനത്തിന്റെ ലക്ഷ്യം.

മേഖലയില്‍ നിലവിലുള്ള സാഹചര്യങ്ങളോടുള്ള പ്രതികരണമായാണ് ഈ ഇളവ്. യുഎഇയിലെ താമസക്കാര്‍ക്കും സന്ദര്‍ശകര്‍ക്കും പൂര്‍ണ പിന്തുണ ഉറപ്പാക്കുന്നതിനും മാനുഷിക പരിഗണനകള്‍ ഉള്‍ക്കൊള്ളുന്നതിനുമുള്ള ഐസിപിയുടെ പ്രതിജ്ഞാബദ്ധത ഇത് വ്യക്തമാക്കുന്നു.

The UAE has introduced a fine exemption for Iranian citizens who have overstayed their residence or visit visas. According to the Federal Authority for Identity, Citizenship, Customs, and Port Security (ICP), penalties for delays in leaving the country will be waived for these individuals.