ബഹ്‌റൈനിന്റെ ദേശീയ വിമാനക്കമ്പനിയായ ഗള്‍ഫ് എയര്‍, ജോര്‍ദാനിലെ അമ്മാനിലേക്കും, ഇറാഖിലെ ബാഗ്ദാദിലേക്കും, നജാഫിലേക്കും ഉള്ള സര്‍വിസുകള്‍ ജൂണ്‍ 27 വരെ റദ്ദാക്കിയതായി അറിയിച്ചു.

യാത്രക്കാരുടെയും ജീവനക്കാരുടെയും സുരക്ഷയ്ക്ക് മുന്‍ഗണന നല്‍കിയാണ് ഈ തീരുമാനം. പ്രാദേശിക സംഭവവികാസങ്ങള്‍ സൂക്ഷ്മമായി നിരീക്ഷിക്കുന്നത് തുടരുകയും, വിമാനങ്ങള്‍ റദ്ദാക്കിയതിനാല്‍ ബാധിക്കപ്പെട്ട യാത്രക്കാര്‍ക്ക് ബദല്‍ മാര്‍ഗങ്ങള്‍ ഒരുക്കുകയും ചെയ്യുമെന്ന് ഗള്‍പ് എയര്‍ അറിയിച്ചു. ഗള്‍ഫ് എയര്‍ മൊബൈല്‍ ആപ്പ് ഡൗണ്‍ലോഡ് ചെയ്‌തോ gulfair.com എന്ന എയര്‍ലൈനിന്റെ വെബ്‌സൈറ്റ് സന്ദര്‍ശിച്ചോ യാത്രക്കാര്‍ക്ക് വിമാന ഷെഡ്യൂളുകളെക്കുറിച്ച് അറിയാന്‍ സാധിക്കും.

ALSO READ: ജോർദാനിലേക്കുള്ള സർവീസ് നിർത്തിവച്ചു ഒമാൻ എയർ | Oman Air Service

അതേസമയം, ഇറാൻ - ഇസ്റാഈൽ സംഘർഷത്തെ തുടർന്ന് ഒമാനിലെ അമ്മാൻ റൂട്ടിലെ വിമാന സർവിസുകൾ നിർത്തിവച്ചിരിക്കുകയാണ് ഒമാൻ എയർ. ജൂൺ 21 വരെയാണ് സർവിസുകൾ നിർത്തിവച്ചത്. സാഹചര്യങ്ങൾ അനുകൂലമായാൽ ഉടൻ സാധാരണ പ്രവർത്തനങ്ങൾ പുനരാരംഭിക്കുമെന്ന് ദേശീയ വിമാനക്കമ്പനി പുറത്തിറക്കിയ യാത്രാ മുന്നറിയിപ്പിൽ പറഞ്ഞു. ഔദ്യോഗിക ആശയവിനിമയ ചാനലുകൾ വഴി നിർദേശങ്ങൾ ശ്രദ്ധിക്കണമെന്ന് കമ്പനി അറിയിച്ചു.

ഇറാനും ഇസ്റാഈലും തമ്മിലുള്ള സംഘർഷം രൂക്ഷമായതിനെത്തുടർന്ന് ഈ ആഴ്ച മിഡിൽ ഈസ്റ്റ് നോർത്ത് ആഫ്രിക്ക മേഖലയിലെ നിരവധി രാജ്യങ്ങൾ അവരുടെ വ്യോമാതിർത്തി അടച്ചു. ഇത് ചില രാജ്യങ്ങളിലെ പ്രാദേശിക വിമാനത്താവളങ്ങളെ ബാധിക്കുകയും വിമാന സർവിസുകൾ റദ്ദാക്കുന്നതിനും വഴിതിരിച്ചുവിടുന്നതിനും കാരണമാവുകയും ചെയ്തു.

Gulf Air has announced the cancellation of its flights to two countries until June 27. The decision comes amid ongoing aviation disruptions in the region, possibly due to heightened tensions and airspace closures. Passengers are advised to check with the airline for the latest updates and alternative travel arrangements ¹.