വാഷിംഗ്ടൺ:അമേരിക്കയിൽ സന്ദർശനത്തിനെത്തിയ പാകിസ്ഥാൻ സൈനിക മേധാവി അസിം മുനീറിനെതിരെ യുഎസിലെ പാക് പ്രവാസികൾ ശക്തമായ പ്രതിഷേധവുമായി രംഗത്ത്. വാഷിംഗ്ടണിലെ ഫോർ സീസൺസ് ഹോട്ടലിന് പുറത്ത് തടിച്ചുകൂടിയ പ്രതിഷേധക്കാർ ‘ഭീരു, കൂട്ടക്കൊലപാതകി, പാകിസ്ഥാനികളുടെ കൊലയാളി’ എന്ന മുദ്രാവാക്യങ്ങൾ ഉയർത്തി. പാകിസ്ഥാനിൽ തടസ്സമില്ലാത്ത ജനാധിപത്യം പുനഃസ്ഥാപിക്കണമെന്നും അവർ ആവശ്യപ്പെട്ടു. ഹോട്ടലിനുള്ളിൽ പ്രവേശിക്കാൻ ശ്രമിച്ച പ്രതിഷേധക്കാരെ ഹോട്ടൽ അധികൃതർ തടഞ്ഞു.

പ്രതിഷേധം സംഘടിപ്പിച്ചത് മുൻ പാകിസ്ഥാൻ പ്രധാനമന്ത്രി ഇമ്രാൻ ഖാന്റെ പാർട്ടിയായ പാകിസ്ഥാൻ തെഹ്രീക്-ഇ-ഇൻസാഫ് (പിടിഐ) ആണെന്ന് സ്ഥിരീകരിക്കാത്ത റിപ്പോർട്ടുകൾ സൂചിപ്പിക്കുന്നു. ‘കൂട്ടക്കൊലയാളി അസിം മുനീർ, തോക്കുകൾ സംസാരിക്കുമ്പോൾ ജനാധിപത്യം മരിക്കുന്നു, അസിം മുനീർ, നിന്റെ സമയം കഴിഞ്ഞു - പാകിസ്ഥാൻ ഉയരും, ജനാധിപത്യ പാകിസ്ഥാനുവേണ്ടിയുള്ള പ്രസ്ഥാനം’ എന്നീ വാചകങ്ങൾ മൊബൈൽ ബിൽബോർഡുകളിൽ പ്രദർശിപ്പിച്ചാണ് പ്രവാസികൾ പ്രതിഷേധിച്ചത്.

ജയിലിൽ കഴിയുന്ന ഇമ്രാൻ ഖാൻ നേരത്തെ, ജീവിതകാലം മുഴുവൻ ജയിലിൽ കഴിയേണ്ടി വന്നാലും കീഴടങ്ങില്ലെന്ന് പ്രതിജ്ഞയെടുത്തിരുന്നു. ഏതു തരത്തിലുള്ള പീഡനങ്ങൾ നേരിടേണ്ടി വന്നാലും താൻ ഒരിക്കലും വിട്ടുകൊടുക്കില്ലെന്നും അദ്ദേഹം വ്യക്തമാക്കിയിരുന്നു. 26 സാധാരണക്കാരുടെ മരണത്തിനിടയാക്കിയ പഹൽഗാം ഭീകരാക്രമണത്തിന് പിന്നാലെ, ഞായറാഴ്ച മുതൽ അഞ്ച് ദിവസത്തെ സന്ദർശനത്തിനാണ് അസിം മുനീർ യുഎസിലെത്തിയത്.

Asim Munir is facing backlash from the Pakistani community in the United States, where he is being denounced as a mass murderer dictator and a source of national shame. pic.twitter.com/Bf5DPgiG8j

— Meru (@MeruBhaiya) June 17, 2025

In Washington, Pakistani diaspora protested outside the Four Seasons Hotel against Pakistan Army Chief Asim Munir, labeling him a "coward" and "mass murderer" during his US visit. Demanding uninterrupted democracy in Pakistan, protesters, reportedly linked to Imran Khan’s PTI party, displayed mobile billboards with slogans like “Asim Munir, your time is up” and “Democracy dies when guns speak.” Hotel authorities blocked their entry. The protest follows the Pahlgham terror attack, which killed 26 civilians, coinciding with Munir’s five-day US visit starting Sunday.