ഡല്‍ഹി: തെരഞ്ഞെടുപ്പ് കമ്മീഷന്‍ വോട്ടര്‍ ഐഡി കാര്‍ഡുകള്‍ 15 ദിവസത്തിനുള്ളില്‍ നല്‍കുന്നതിനുള്ള പുതിയ സംവിധാനം ആരംഭിച്ചു. നിലവില്‍ ഒരു മാസത്തില്‍ കൂടുതല്‍ സമയം വേണ്ടിവരുന്ന പ്രക്രിയയാണ് ഇപ്പോള്‍ കുറഞ്ഞ കാലയളവില്‍ നടക്കുന്നത്. വോട്ടര്‍മാര്‍ക്ക് മെച്ചപ്പെട്ട സേവനം ഉറപ്പാക്കുന്നതിനും തെരഞ്ഞെടുപ്പ് പ്രക്രിയയില്‍ സുതാര്യത കൊണ്ടുവരുന്നതിനും ലക്ഷ്യമിട്ടാണ് തെരഞ്ഞെടുപ്പ് കമ്മിഷന്‍ ഈ പുതിയ സംവിധാനം ആരംഭിച്ചത്. വോട്ടര്‍ പട്ടികയില്‍ പുതിയ പേര് ചേര്‍ക്കുക, നിലവിലുള്ള വിവരങ്ങള്‍ പുതുക്കുക തുടങ്ങിയ പ്രക്രിയകള്‍ക്ക് ശേഷം 15 ദിവസത്തിനകം ഇനി വോട്ടര്‍ ഐഡി കാര്‍ഡുകള്‍ വിതരണം ചെയ്യും. 

ALSO READ: ഇന്ത്യയുടെ ജലനിയന്ത്രണം; പാകിസ്ഥാനിൽ ഖാരിഫ് വിളവിറക്കൽ പ്രതിസന്ധിയിൽ

ഈ ഫാസ്റ്റ് ട്രാക്ക് സംവിധാനത്തിന് പുറമേ, വോട്ടര്‍മാര്‍ക്ക് അവരുടെ ഐഡി കാര്‍ഡിന്റെ വിതരണ പുരോഗതി ട്രാക്ക് ചെയ്യാനും പുതിയ സംവിധാനം അവസരമൊരുക്കും. കൂടാതെ, എസ്എംഎസ് മുഖേന ഓരോ ഘട്ടത്തെക്കുറിച്ചും വോട്ടര്‍മാരെ അറിയിക്കുകയും ചെയ്യും.

The Election Commission of India has introduced a new system in Delhi to deliver voter ID cards within 15 days, significantly reducing the current processing time of over a month. This initiative aims to enhance voter services and ensure greater transparency in the electoral process.