കോഴിക്കോട്: ഓണാഘോഷത്തിന്റെ ഭാഗമായി വിവിധ തരം ഉല്‍പ്പന്നങ്ങളുടെ വിപണിയുമായി കോര്‍പറേഷനു കീഴിലെ കുടുംബശ്രീ യൂനിറ്റുകളുടെ ഓണച്ചന്ത. 3ന് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്ത ഓണച്ചന്ത 12ന് സമാപിക്കും. ജൈവപച്ചക്കറി, കൈത്തറി തുണിത്തരങ്ങള്‍, സാരി, മണ്‍പാത്രങ്ങള്‍, സോപ്പ്, അച്ചാറുകള്‍, ഫേന്‍സി ഇനങ്ങള്‍, ബാഗുകള്‍, ആയുര്‍വേദ മരുന്നുകള്‍, മുളയരിപ്പായസം, ചോക്ലേറ്റുകള്‍, അരിപ്പൊടി തുടങ്ങി വിവിധ തരത്തിലുള്ള ഉല്‍പ്പന്നങ്ങള്‍ കുറഞ്ഞ വിലയ്ക്ക് മേളയില്‍ ലഭിക്കും. രാവിലെ ഒന്‍പതുമുതല്‍ രാത്രി ഒന്‍പതുവരെയാണ് മേളയുടെ സമയം. 33 സ്റ്റാളുകളാണ് ഉല്‍പ്പന്നങ്ങള്‍ക്കായി മേളയില്‍ ഒരുക്കിയിരിക്കുന്നത്.