റിയാദ്: സഊദി അറേബ്യയില്‍ പുതിയ വിസയിലെത്തിയ പ്രവാസി മലയാളിയെ താമസസ്ഥലത്ത് മരിച്ചനിലയില്‍ കണ്ടെത്തി. മലപ്പുറം എടക്കര മില്ലുംപടി സ്വദേശി തെക്കുപാടം ജംഷീല്‍ എന്ന കുഞ്ഞാപ്പുവിനെ (42) ആണ് താമസസ്ഥലത്ത് മരിച്ചനിലയില്‍ കണ്ടെത്തിയത്. കോവിഡ് കാലത്ത് സഊദിയില്‍ നിന്നും പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങിയ ജംഷീല്‍ വീണ്ടും ജോലിക്കായി പുതിയ വിസയില്‍ ആണ് സൗദിയിലെത്തിയത്.

ALSO READ: കാളികാവ് സ്വദേശി കുവൈത്തില്‍ പക്ഷാഘാതംമൂലം മരിച്ചു
മൂന്നുമാസം മുമ്പാണ് ഇഖാമ ലഭിച്ചത്. ഇന്നലെ രാവിലെ പതിവുസമയത്തും പുറത്ത് കാണാത്തതിനെ തുടര്‍ന്നുള്ള അന്വേഷണത്തില്‍ മുറിയില്‍ മരിച്ച നിലയില്‍ കണ്ടെത്തുകയായിരുന്നുവെന്ന് സുഹൃത്തുക്കള്‍ അറിയിച്ചു.

ALSO READ: ഖത്തറില്‍ മകനൊപ്പം താമസിക്കുകയായിരുന്ന കോഴിക്കോട് സ്വദേശിനി നിര്യാതയായി

സിദ്ദീഖ് - സൈനബ ദമ്പതികളുടെ മകനാണ്. ഭാര്യ: റിദ പര്‍വീന്‍. മക്കള്‍: ഫാത്തിമ ഷെസ, ആയിഷ സിയ. മയ്യിത്ത് നാട്ടിലെത്തിച്ച് മറവുചെയ്യും. ഇതിനുള്ള നിയമനടപടികള്‍ സാമൂഹിക പ്രവര്‍ത്തകന്‍ സിദ്ദീഖ് തുവ്വൂരിന്റെ നേതൃത്വത്തില്‍ നടന്നുവരികയാണ്.

Jamsheel a native of Edakkara, Malappuram, who had arrived in Saudi Arabia on a new visa, was found dead at his residence. Jamsheel, who had returned home after ending his exile from Saudi Arabia during the Covid period, had arrived in Saudi Arabia on a new visa.