ഷാര്‍ജ: തിരക്കേറിയ വേനല്‍ സീസണില്‍ ഷാര്‍ജയിലേക്കും തിരിച്ചുമുള്ള യാത്രക്കാരുടെ എണ്ണത്തിലെ വര്‍ധന കൈകാര്യം ചെയ്യാന്‍ പൂര്‍ണ സന്നദ്ധത പ്രഖ്യാപിച്ച് ഷാര്‍ജ ഇന്റര്‍നാഷനല്‍ എയര്‍പോര്‍ട്ട്. എല്ലാ യാത്രക്കാര്‍ക്കും മികച്ചതും, തടസമില്ലാത്തതുമായ യാത്രാനുഭവം പകരാനുള്ള സമഗ്ര പദ്ധതിയുടെ ഭാഗമായി ജൂലൈ ഒന്ന് മുതല്‍ 15 വരെ 800,000ത്തിലധികം യാത്രക്കാരെ വിമാനത്താവളം സ്വാഗതം ചെയ്യുമെന്ന് അധികൃതര്‍ അറിയിച്ചു.

ALSO READ: 50,000 ദിർഹം വരെ ശമ്പളം; പ്രവാസികൾക്കും അവസരം; ദുബൈയിലെ മികച്ച തൊഴിലവസരങ്ങൾ

ഉയര്‍ന്ന നിലവാരത്തിലുള്ള കാര്യക്ഷമതയും സുഖസൗകര്യങ്ങളും ഉറപ്പാക്കാന്‍ തന്ത്രപ്രധാന പങ്കാളികളുമായി ഏകോപിപ്പിച്ച് നിരവധി പ്രവര്‍ത്തനങ്ങള്‍ ഷാര്‍ജ എയര്‍പോര്‍ട്ട് അതോറിറ്റി (Sharjah Airport Authority -SAA) രൂപപ്പെടുത്തിയിട്ടുണ്ട്. ആവശ്യമായ പിന്തുണ നല്‍കാനും യാത്രക്കാരുടെ അന്വേഷണങ്ങള്‍ക്ക് മറുപടി നല്‍കാനും വിമാനത്താവളത്തിന്റെ സ്മാര്‍ട്ട് സേവനങ്ങളും നൂതന സാങ്കേതിക വിദ്യകളും എളുപ്പത്തില്‍ ഉപയോഗിക്കുന്നതില്‍ അവരെ പ്രാപ്തരാക്കാനും വര്‍ക്കിങ് ടീമുകളും ഉപയോക്തൃ സേവന ജീവനക്കാരും 24 മണിക്കൂറും ശ്രമങ്ങള്‍ ശക്തമാക്കി വരികയാണ്. ഇത് സുഗമവും സംയോജിതവുമായ യാത്രാനുഭവം ഉറപ്പാക്കുന്നതാണ്. ഈ സാഹചര്യത്തില്‍, വ്യോമയാന മേഖലയിലെ ദ്രുത ഗതിയിലുള്ള സംഭവ വികാസങ്ങള്‍ക്കനുസരിച്ച് സുരക്ഷാ നടപടിക്രമങ്ങള്‍ പരിഷ്‌കരിക്കുന്നതിനോടൊപ്പം, മുഴുവന്‍ ലോജിസ്റ്റിക്കല്‍ആരോഗ്യ വശങ്ങളും അതോറിറ്റി മെച്ചപ്പെടുത്തുന്നത് തുടരുകയാണ്.

ALSO READ: യുഎഇയിലെയും ബഹ്‌റൈനിലെയും രണ്ട് വ്യത്യസ്ത കൊലപാതകങ്ങൾ: ഇന്ത്യക്കാർക്കെതിരായ കുറ്റപത്രങ്ങൾ സമർപ്പിച്ചു സിബിഐ

തിരക്കേറിയ സമയങ്ങളില്‍ യാത്രാ നടപടിക്രമങ്ങള്‍ പൂര്‍ത്തിയാക്കുന്നതില്‍ ഉണ്ടാകാവുന്ന കാലതാമസം ഒഴിവാക്കാന്‍ യാത്രക്കാര്‍ വിമാന യാത്രയ്ക്ക് മൂന്ന് മണിക്കൂര്‍ മുമ്പ് എയര്‍പോര്‍ട്ടില്‍ എത്തേണ്ടതാണ്. വിമാന സമയങ്ങളും അപ്‌ഡേറ്റുകളും പരിശോധിക്കാന്‍ യാത്രക്കാര്‍ തങ്ങളുടെ എയര്‍ലൈനുകളുമായി മുന്‍കൂട്ടി ബന്ധപ്പെടാനും അധികൃതര്‍ നിര്‍ദേശിച്ചു.

ALSO READ: പുതിയ വിദ്യാർത്ഥി വിസകൾ, സ്കോളർഷിപ്പുകളും, വർക്ക് പെർമിറ്റും, 90% പ്ലേസ്മെന്റ്: വിദേശ വിദ്യാർത്ഥികളെ ക്ഷണിച്ചു ദുബൈ | Career in Dubai

നല്ല തിരക്കുള്ള സമയങ്ങളില്‍ ഉയര്‍ന്ന നിലവാരത്തിലുള്ള സേവനം നല്‍കാനും, മികച്ച സുരക്ഷാ മാനദണ്ഡങ്ങള്‍ പാലിക്കാനും, ഇഷ്ടപ്പെട്ട യാത്രാ കേന്ദ്രമായും പ്രാദേശികഅന്തര്‍ദേശീയ യാത്രയില്‍ സുപ്രധാന പങ്കാളിയായും ഷാര്‍ജ വിമാനത്താവളത്തിന്റെ സ്ഥാനം കൂടുതല്‍ ശക്തിപ്പെടുത്താനുള്ള പ്രതിബദ്ധത എസ്.എ.എ ആവര്‍ത്തിച്ച് വ്യക്തമാക്കി.

Sharjah International Airport is set to handle an influx of travelers during the upcoming summer peak season, with the Sharjah Airport Authority (SAA) expecting to serve over 800,000 passengers between July 1 and 15, 2025. This busy period is anticipated to mark one of the airport’s highest passenger volumes of the year.