ഡെറാഡൂണ്‍: മുന്‍ എം.എല്‍.എയുടെ രണ്ടാംകെട്ടില്‍ കുരുങ്ങി ബി.ജെ.പി. ഉത്തരാഖണ്ഡ് ബി.ജെ.പിയാണ് എം.എല്‍.എയുടെ 'വൈറല്‍ രണ്ടാം വിവാഹത്തില്‍ വെട്ടിലായത്. സംഭവം വിവാദമായതിന് പിന്നാലെ എം.എല്‍.എയെ പാര്‍ട്ടിയില്‍ നിന്ന് തന്നെ പുറത്താക്കിയിരിക്കുകയാണ്. 'മോശം പെരുമാറ്റം' എന്ന് പറഞ്ഞാണ് ആറ് വര്‍ഷത്തേക്ക് മുന്‍ ജ്വാലാപൂര്‍ എം.എല്‍.എയെ പുറത്താക്കുന്നത്.

ഉത്തരാഖണ്ഡില്‍ നിന്നുള്ള മുന്‍ എം.എല്‍.എ സുരേഷ് റാത്തോഡ് ആണ് ബി.ജെ.പിക്ക് തലവേദനയുണ്ടാക്കിയത്. സഹാറന്‍പൂര്‍ സ്വദേശിയായ നടി ഊര്‍മിള സനവാറിനെ തന്റെ രണ്ടാം ഭാര്യയായി പരിചയപ്പെടുത്തി സുരേഷ് റത്തോഡിന്റെ വിഡിയോ പുറത്തു വന്നിരുന്നു. ഇത് സമൂഹമാധ്യമങ്ങളില്‍ വ്യാപകമായി പ്രചരിച്ചു. ൗര്‍മിള സനവാറിനെ രണ്ടാം ഭാര്യയെന്ന് പരിചയപ്പെടുത്തിയ റാത്തോഡ് പക്ഷേ തന്‍രെ  ആദ്യ ഭാര്യയെ വിവാഹമോചനം ചെയ്തിരുന്നില്ല. ഇതാണ് എം.എല്‍.എയുടെ നടപടി വിവാദമാവാന്‍ കാരണം. ഇത് ഏകസിവില്‍കോഡിന്റെ ലംഘനമാണെന്ന് ചൂണ്ടിക്കാട്ടി കോണ്‍ഗ്രസ് രംഗത്തെത്തി. ബി.ജെ.പി സര്‍ക്കാര്‍ കൊണ്ടു വന്ന ഏകസിവില്‍ കോട് ബഹുഭാര്യതം നിരോധിക്കുന്നുണ്ട്. 

ALSO READ: സയണിസ്റ്റ് മിസൈലുകള്‍ക്കു മുന്നില്‍ അടിപതറാതെ നിന്ന ധീരതക്ക് വെനസ്വേലയുടെ ആദരം; ഇറാനിയന്‍ മാധ്യമപ്രവര്‍ത്തക സഹര്‍ ഇമാമിക്ക് സിമോണ്‍ ബോളിവര്‍ പുരസ്‌ക്കാരം

സംഭവം വിവാദമായതിന് പിന്നാലെ സുരേഷ് റത്തോഡിനോട് ബി.ജെ.പി വിശദീകരണം ചോദിച്ചു. എന്നാല്‍ സുരേഷ് റാത്തോഡിന്റെ വിശദീകരണം തൃപ്തികരമല്ലെന്ന് കണ്ട് പാര്‍ട്ടി നടപടിയെുക്കുകയായിരുന്നു.  ''നിങ്ങള്‍ പാര്‍ട്ടി അച്ചടക്കവും സാമൂഹിക പെരുമാറ്റ മാനദണ്ഡങ്ങളും തുടര്‍ച്ചയായി ലംഘിച്ചു. പ്രദേശ് ബിജെപി പ്രസിഡന്റിന്റെ നിര്‍ദേശപ്രകാരം നിങ്ങളെ ആറ് വര്‍ഷത്തേക്ക് പാര്‍ട്ടിയുടെ പ്രാഥമിക അംഗത്വത്തില്‍ നിന്ന് പുറത്താക്കുന്നു''  സംസ്ഥാന ബിജെപി ജനറല്‍ സെക്രട്ടറി രാജേന്ദ്ര ബിഷ്ത് ഒപ്പിട്ട കത്തില്‍ പറയുന്നു.

ALSO READ: വാട്ട്‌സ്ആപ്പിൽ പുതിയ ഡോക്യുമെന്റ് സ്കാനിംഗ് ഫീച്ചർ: ആൻഡ്രോയിഡ് ഉപയോക്താക്കൾക്ക് ഇനി എളുപ്പം

ജനുവരിയില്‍ സംസ്ഥാനത്ത് ബി.ജെ.പി സര്‍ക്കാര്‍ ഏകീകൃത സിവില്‍ കോഡ് നടപ്പിലാക്കിയിരുന്നു.  അതുകൊണ്ട് തന്നെ സുരേഷ് റാത്തോഡിന്റെ ആദ്യ ഭാര്യയെ വിവാഹമോചനം ചെയ്യാതെയുള്ള രണ്ടാം വിവാഹം പാര്‍ട്ടിക്ക് വലിയ നാണക്കേടാണ് ഉണ്ടാക്കിയത്.

Uttarakhand BJP has expelled former Jwalapur MLA Suresh Rathore for six years over a viral video introducing actress Urmila Sanwar as his second wife. The move sparked controversy due to alleged violation of the Uniform Civil Code implemented in the state.