ലഖ്‌നൗ: കഴിഞ്ഞ 35 വര്‍ഷത്തിലേറെയായി ക്ഷേത്രത്തിലെ പരിചാരകനായി ജോലിചെയ്യുകയായിരുന്ന മുസ്ലിം വയോധികനെ ക്ഷേത്രത്തില്‍ നിസ്‌കരിച്ചുവെന്നാരോപിച്ച് അറസ്റ്റ് ചെയ്ത് ജയിലിലടച്ചു. 60 കാരനായ ബദൗന്‍ സ്വദേശി മുഹമ്മദ് അലിയാണ് അറസ്റ്റിലായത്. ക്ഷേത്ര പരിസരത്ത് നിസ്‌കരിക്കുകയായിരുന്ന മുഹമ്മദ് അലിയുടെ ചിത്രം ഇതുവഴി വന്ന തീവ്ര ഹിന്ദുത്വ സംഘടനയുടെ പ്രവര്‍ത്തകര്‍ സോഷ്യല്‍ മീഡിയയില്‍ പങ്കുവയ്ക്കുകയും ഇത് പിന്നീട് ഹിന്ദുത്വവാദികള്‍ ഏറ്റെടുക്കുകയും ചെയ്തതോടെയാണ് പൊലിസ് കേസെടുത്തത്.

മൂന്നj പതിറ്റാണ്ടായി ക്ഷേത്രം വൃത്തിയാക്കുന്നതിലും പശുക്കളെ സേവിക്കുന്നതിലും ഏര്‍പ്പെട്ടുവന്നിരുന്ന അലി, ക്ഷേത്ര പരിസരത്തുവച്ച് നിസ്‌കാരം നിര്‍വഹിക്കുന്നത് മുഖ്യ പൂജാരിക്കും മറ്റും അറിയാമായിരുന്നു. ഡാറ്റാഗഞ്ച് പരിധിയിലുള്ള പപ്പാഡ് ഗ്രാമത്തില്‍ നടന്ന സംഭവത്തിന് ഏകദേശം രണ്ട് മാസം പഴക്കമുണ്ടെന്ന് വാര്‍ത്ത പ്രസിദ്ധീകരിച്ച ടൈംസ് ഓഫ് ഇന്ത്യ റിപ്പോര്‍ട്ട്‌ചെയ്തു.

बदायूं अली मोहम्मद ब्रह्मदेव महाराज के मंदिर की 30 सालों से कर रहे था सेवा अली का मंदिर परिसर में नमाज पढ़ते हुए वीडियो वायरल पुलिस ने FIR दर्ज कर जेल भेज दिया जांच में निकाल कर आया अली मंदिर की साफ सफाई के साथ गौ सेवा भी करता था मंदिर के महंत को भी जानकारी थी pic.twitter.com/UUSUFWpuut

— Asif Ansari (@Asifansari9410) June 29, 2025

അലിയുടെ പ്രകോപനപരമായ പ്രവൃത്തി മറ്റ് സമുദായത്തിലെ വലിയൊരു വിഭാഗം ജനങ്ങളെ പ്രകോപിപ്പിച്ചിട്ടുണ്ടെന്ന് പോലീസ് പറഞ്ഞു. അതേസമയം, അലി മുഹമ്മദ് 35 വര്‍ഷമായി ക്ഷേത്ര സമുച്ചയം സന്ദര്‍ശിക്കുന്നയാളാണെന്നും പശുക്കളെ വൃത്തിയാക്കുന്നതിലും ഭക്ഷണം നല്‍കുന്നതിലും അദ്ദേഹം ഏര്‍പ്പെട്ടുവരികയായിരുന്നുവെന്നും ക്ഷേത്രത്തിലെ മഹന്ത് പരാത്മ ദാസ് പറഞ്ഞു. അലി ചിലപ്പോള്‍ 'ആരതി'യിലും മറ്റ് ആചാരങ്ങളിലും പോലും പങ്കെടുത്തിരുന്നുവെന്നും അദ്ദേഹം പറഞ്ഞു.

ഭാര്യ ഉപേക്ഷിച്ചുപോയതിനുശേഷം കുടുംബത്തില്‍ നിന്ന് വേര്‍പിരിഞ്ഞാണ് അലി താമസിക്കുന്നത്. 

A 60-year-old man was arrested under BNS section 298 -- 'defiling a place of worship with intent to insult religion' -- and sent to jail on Sunday for allegedly offering ‘namaz' inside a temple complex in Budaun.