ദുബൈ: കുട്ടികളുടെ സംരക്ഷണ കേസുകള്‍ രജിസ്റ്റര്‍ ചെയ്യുന്നതിനായി ദുബൈ ദുബൈയിലെ കോടതികളില്‍ പ്രത്യേക വിഭാഗം രൂപീകരിച്ചു.

കുട്ടികളുടെ പരിചരണം, സുരക്ഷ, നിയമപരമായ പിന്തുണ എന്നിവയില്‍ ശ്രദ്ധ കേന്ദ്രീകരിച്ച് കുട്ടികളുടെ സംരക്ഷണ കേസുകള്‍ രജിസ്റ്റര്‍ ചെയ്യുന്നതിനും നിരീക്ഷിക്കുന്നതിനും പ്രതികരിക്കുന്നതിനുമായാണ് യൂണിറ്റ് രൂപകല്‍പ്പന ചെയ്തിരിക്കുന്നത്.

ALSO READ: ദുബൈ എയര്‍ ടാക്‌സി പരീക്ഷണപ്പറക്കല്‍ വിജയം; ആദ്യ യാത്ര അടുത്തവര്‍ഷം, അഞ്ചു പേര്‍ക്കിരിക്കാം, 320 കി.മി സ്പീഡ്; വന്‍ ഫീച്ചറുകളും | Dubai air taxi

പദ്ധതിയിലൂടെ, ദുബൈയിലെ കോടതികളും പങ്കാളിത്ത സ്ഥാപനങ്ങളും തമ്മിലുള്ള ഏകോപനം വര്‍ധിപ്പിക്കാനും സെന്‍സിറ്റീവ് കേസുകളോടുള്ള പ്രതികരണങ്ങളിലെ കാര്യക്ഷമത മെച്ചപ്പെടുത്താനും കഴിയുമെന്നാണ് പ്രതീക്ഷിക്കുന്നത്.

'ഇത് വെറുമൊരു നിയമ നടപടിയല്ല, നമ്മുടെ കുട്ടികളുടെ ഭാവിയിലേക്കുള്ള ഒരു നിക്ഷേപമാണിത്,' ദുബൈ കോടതികളിലെ കേസ് മാനേജ്‌മെന്റ് സെക്ടര്‍ എക്‌സിക്യൂട്ടീവ് ഡയറക്ടര്‍ മുഹമ്മദ് അല്‍ ഒബൈദ്‌ലി പറഞ്ഞു.

'കുട്ടികളുടെ അവകാശങ്ങള്‍ സംരക്ഷിക്കുക എന്നത് ഒരു മുന്‍ഗണനയാണ്. പ്രായപൂര്‍ത്തിയാകാത്തവരെ സംരക്ഷിക്കുന്നതിനും കുടുംബങ്ങളെ പിന്തുണയ്ക്കുന്നതിനും ആവശ്യമായ സംവിധാനങ്ങളും ഉപകരണങ്ങളും ഞങ്ങള്‍ പ്രദാനം ചെയ്യുന്നു.' അദ്ദേഹം കൂട്ടിച്ചേര്‍ത്തു.

ALSO READ: യുഎഇ ഗോൾഡൻ വിസ: AI, കാലാവസ്ഥാ മേഖലകളിലെ പ്രതിഭകൾക്ക് മുൻഗണന

കുട്ടികളുടെ സംരക്ഷണവുമായി ബന്ധപ്പെട്ട നയങ്ങളുടെയും നടപടിക്രമങ്ങളുടെയും തുടര്‍ച്ചയായ വികസനത്തിനും തീരുമാനമെടുക്കലിനും ഡിവിഷന്‍ പിന്തുണ നല്‍കുമെന്നും, നീതിന്യായ നടപടിക്രമങ്ങള്‍ വൈകുന്നത് മൂലമുണ്ടാകുന്ന പ്രയാസങ്ങള്‍ കുറയ്ക്കുമെന്നും അദ്ദേഹം വ്യക്തമാക്കി.

Dubai Courts have set up a dedicated unit to safeguard children's rights, aiming to handle cases involving minors with greater care and specialized legal attention.