ബെംഗളൂരു: ജൂൺ 4-ന് നടന്ന ഐപിഎൽ വിജയാഘോഷങ്ങളുടെ ഭാഗമായി ഉണ്ടായ വൻ ജനക്കൂട്ടം മൂലം 11 പേർ മരിക്കുകയും നിരവധി പേർക്ക് പരുക്കേൽക്കുകയും ചെയ്ത സംഭവത്തിൽ റോയൽ ചലഞ്ചേഴ്‌സ് ബെംഗളൂരു ടീമിനെതിരെ സെൻട്രൽ അഡ്മിനിസ്ട്രേറ്റീവ് ട്രിബ്യൂണൽ. റോയൽ ചലഞ്ചേഴ്‌സ് ബെംഗളൂരു (ആർസിബി) ക്രിക്കറ്റ് ടീമാണ് അപകടത്തിന് പ്രധാന ഉത്തരവാദിയെന്ന് സെൻട്രൽ അഡ്മിനിസ്ട്രേറ്റീവ് ട്രിബ്യൂണൽ (സിഎടി) നിരീക്ഷിച്ചു.

പൊലിസിനെ ന്യായീകരിച്ചു കൊണ്ടാണ് ട്രിബ്യൂണൽ സംസാരിച്ചത്: “പൊലിസുകാരും മനുഷ്യരാണ്. അവർ ദൈവമോ മാന്ത്രികരോ അല്ല, ‘അലാവുദ്ദീന്റെ മാന്ത്രിക വിളക്ക്’ പോലുള്ള അത്ഭുത ശക്തികളും അവർക്കില്ല.”

ട്രിബ്യൂണലിന്റെ അഭിപ്രായത്തിൽ, “ആർസിബി ഏകദേശം മൂന്ന് മുതൽ അഞ്ച് ലക്ഷം വരെ ആളുകളുടെ ഒത്തുചേരലിന് കാരണമായി. പൊലിസിന്റെ മുൻകൂർ അനുമതിയോ സമ്മതമോ വാങ്ങാതെ, പെട്ടെന്ന് സോഷ്യൽ മീഡിയയിൽ പോസ്റ്റ് ചെയ്തതിന്റെ ഫലമായാണ് ജനങ്ങൾ ഒത്തുകൂടിയത്.” 

അതിനാൽ തന്നെ, ആവശ്യമായ തയ്യാറെടുപ്പുകൾ ചെയ്യാൻ പൊലിസിന് മതിയായ സമയം ലഭിച്ചില്ല ട്രിബ്യൂണൽ ചൂണ്ടിക്കാട്ടി. “ജൂൺ 4-ന് സമയക്കുറവ് മൂലം പൊലിസിന് ആവശ്യമായ ക്രമീകരണങ്ങൾ ചെയ്യാൻ കഴിഞ്ഞില്ല. മതിയായ സമയം പൊലിസിന് ലഭിച്ചില്ല,” ഒരു ബെംഗളൂരു പൊലിസ് ഉദ്യോഗസ്ഥന്റെ സസ്‌പെൻഷനെ ചോദ്യം ചെയ്ത് നൽകിയ ഹരജി പരിഗണിക്കവെ ട്രിബ്യൂണൽ വ്യക്തമാക്കി.

ALSO READ: പറന്നുയർന്ന ഉടനെ 900 അടിയിലേക്ക് വീണ് എയ‍ർ ഇന്ത്യ വിമാനം; അത്ഭുതരക്ഷ

ജൂൺ 3-നും 4-നും ഇടയിലുള്ള രാത്രിയിൽ വൻ ജനാവലി ഉണ്ടായിരുന്നെന്നും, അവരെ നിയന്ത്രിക്കുന്നതിൽ പൊലിസ് വ്യാപൃതരായിരുന്നുവെന്നും ഉത്തരവിൽ പറയുന്നു. അതേസമയം, വിധാന സൗധയിൽ സംസ്ഥാന സർക്കാർ സംഘടിപ്പിച്ച മറ്റൊരു ചടങ്ങ് കൂടി നടന്നതിനാൽ പൊലിസിന്റെ ജോലിഭാരം വർധിച്ചു.

ആർസിബിയുടെ അവസാന നിമിഷ ആഘോഷ പ്രഖ്യാപനത്തെ “ശല്യം” എന്നാണ് ട്രിബ്യൂണൽ വിശേഷിപ്പിച്ചത്. “മുൻകൂർ അനുമതിയില്ലാതെ ആർസിബി പെട്ടെന്ന് ഇത്തരത്തിലുള്ള ശല്യം സൃഷ്ടിച്ചു. 12 മണിക്കൂറിനുള്ളിൽ പൊലിസ് നിയമപ്രകാരമോ മറ്റ് ചട്ടങ്ങൾ പ്രകാരമോ ആവശ്യമായ എല്ലാ ക്രമീകരണങ്ങളും നടത്തുമെന്ന് പ്രതീക്ഷിക്കാനാവില്ല,” ട്രിബ്യൂണൽ വിമർശിച്ചു.

ഇത്തരമൊരു ജനക്കൂട്ടത്തെ നിയന്ത്രിക്കാനും ആവശ്യമായ ക്രമീകരണങ്ങൾ നടത്താനും പൊലിസിന് മതിയായ സമയവും മുൻകൂർ വിവരവും ആവശ്യമാണെന്നും, ഈ കേസിൽ അത് ലഭിച്ചില്ലെന്നും ട്രിബ്യൂണൽ നിഗമനം ചെയ്തു.

The Central Administrative Tribunal (CAT) has held Royal Challengers Bengaluru (RCB) primarily responsible for the stampede that occurred during the team's IPL victory celebration on June 4, resulting in 11 deaths and numerous injuries. The tribunal noted that RCB failed to obtain necessary permissions from the police before announcing the victory parade on social media, which led to a massive crowd gathering outside the Chinnaswamy Stadium. The CAT also revoked the suspension of IPS officer Vikash Kumar Vikash, stating that the suspension was unjustified and lacked sufficient grounds ¹.