ദുബൈ: രാജ്യത്തിനായി ജീവൻ ബലിയർപ്പിച്ച ധീരന്മാരുടെ സ്മരണാർത്ഥം യുഎഇ ഇന്ന് രക്തസാക്ഷി ദിനം ആചരിച്ചു. ആചരണത്തിന്റെ ഭാ​ഗമായി രക്തസാക്ഷികളെ ആദരിക്കുന്നതിനായി ഇന്ന് (നവംബർ 30, ഞായർ) രാവിലെ 11:30 ന് രാജ്യം മൗനമാചരിച്ചു. 

രാവിലെ 8 മണി മുതൽ രാജ്യത്തുടനീളം പതാകകൾ താഴ്ത്തിക്കെട്ടി. തുടർന്ന്, അനുസ്മരണത്തിന് ശേഷം ദേശീയ ഗാനത്തോടൊപ്പം പതാക വീണ്ടും ഉയർത്തി.

എല്ലാ വർഷവും നവംബർ 30-നാണ് യുഎഇ അനുസ്മരണ ദിനം (Commemoration Day) ആചരിക്കുന്നത്. രാജ്യത്തെ വീരരായ രക്തസാക്ഷികൾക്കും അവർ ഉയർത്തിപ്പിടിച്ച കടമ, വിശ്വസ്തത, രാജ്യസ്നേഹം തുടങ്ങിയ മൂല്യങ്ങൾക്കും ആദരവ് അർപ്പിക്കുന്നതാണ് ഈ ദിവസം. 1971-ൽ ഗ്രേറ്റർ തുംബ് ദ്വീപിൽ യൂണിയന്റെ പരമാധികാരം സംരക്ഷിക്കുന്നതിനിടെ വീരമൃത്യു വരിച്ച സാലെം സുഹൈൽ ബിൻ ഖമീസ് അൽ ദഹ്മാനി എന്ന ആദ്യ എമിറാത്തി രക്തസാക്ഷിയുടെ ത്യാഗത്തെയാണ് ഈ ദിവസം അടയാളപ്പെടുത്തുന്നത്.

ALSO READ: ഡിസംബർ മാസത്തെ ഇന്ധനവില പ്രഖ്യാപിച്ച് യുഎഇ; പെട്രോൾ - ഡീസൽ വിലയിൽ വർധനവ്

ഈ അവസരത്തിൽ യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അനുസ്മരണദിന സന്ദേശം നൽകി. യുഎഇയുടെ സുരക്ഷയും മൂല്യങ്ങളും സംരക്ഷിക്കുന്നതിനിടയിൽ ത്യാഗത്തിന്റെയും ധൈര്യത്തിന്റെയും ഉന്നതമായ ആദർശങ്ങൾ ഉയർത്തിപ്പിടിച്ച രക്തസാക്ഷികളെ രാജ്യം ആദരിക്കുന്നു എന്ന് അദ്ദേഹം വ്യക്തമാക്കി.

അവരുടെ ഓർമ്മ അവരുടെ കുടുംബങ്ങൾക്കും എല്ലാ എമിറാത്തികൾക്കും അഭിമാനത്തിന്റെ ഉറവിടമാണ്. രാജ്യത്തിന്റെ പുരോഗതിക്കും സ്ഥിരതയ്ക്കും വേണ്ടി ഐക്യത്തോടെ തുടർന്നും പ്രവർത്തിക്കുന്നതാണ് രാജ്യത്തെ രക്തസാക്ഷികളെ ആദരിക്കാനുള്ള ഏറ്റവും ശക്തമായ മാർഗ്ഗമെന്നും അദ്ദേഹം കൂട്ടിച്ചേർത്തു.

The United Arab Emirates observed Commemoration Day on November 30, 2025, honoring the nation's martyrs who sacrificed their lives in military, civil, and humanitarian service. A minute of silence was observed at 11:30 am, followed by the raising of the UAE flag and the singing of the national anthem, Ishy Bilady.