ദുബൈ: 54-ാമത് യുഎഇ ദേശീയ ദിനാഘോഷങ്ങളുടെ (ഈദ് അൽ ഇത്തിഹാദ്) ഭാഗമായി, എമിറേറ്റിലുടനീളം സൗജന്യ കോഫി വിതരണ പദ്ധതി പ്രഖ്യാപിച്ച് ദുബൈ മുൻസിപ്പാലിറ്റി. നവംബർ 30 മുതൽ ഡിസംബർ 3 വരെ നാല് ദിവസത്തേക്ക് ഈ പദ്ധതി നീണ്ടുനിൽക്കും. 

"കോഫി ഞങ്ങളുടേതായിരിക്കും!" എന്ന് അറിയിച്ചുകൊണ്ട് ദുബൈ മുൻസിപ്പാലറ്റി സോഷ്യൽ മീഡിയ പോസ്റ്റിലൂടെ ഇക്കാര്യം വ്യക്തമാക്കി. 

വാഹനത്തിൽ നിന്ന് പുറത്തിറങ്ങാതെ തന്നെ ഭക്ഷണവും പാനീയങ്ങളും ഓർഡർ ചെയ്യാൻ താമസക്കാരെ അനുവദിക്കുന്ന 'ഡ്രൈവു' (Drivu) എന്ന ആപ്ലിക്കേഷനുമായി ചേർന്നാണ് ഈ പദ്ധതി നടപ്പാക്കുന്നത്.

ALSO READ: നിറ ശോഭയോടെ യുഎഇ

"ഈദ് അൽ ഇത്തിഹാദ് (ദേശീയ ദിനം) ആഘോഷ വേളയിൽ ഡ്രൈവു ആപ്പ് വഴി ദുബൈ മുനിസിപ്പാലിറ്റിയിൽ നിന്ന് സൗജന്യമായി ഒരു കപ്പ് കോഫി ആസ്വദിക്കൂ. നിങ്ങളുടെ ഫോട്ടോകൾ പങ്കുവെക്കാനും ഞങ്ങളെ ടാഗ് ചെയ്യാനും മറക്കരുത്. നമുക്ക് ഐക്യം ആഘോഷിക്കാം!" എന്നും മുനിസിപ്പാലിറ്റി ഇൻസ്റ്റാഗ്രാമിൽ കൂട്ടിച്ചേർത്തു.

അതേസമയം, ഈ പദ്ധതിയിൽ ഏതൊക്കെ റെസ്റ്റോറന്റുകളും കഫേകളും പങ്കെടുക്കുന്നുണ്ടെന്നോ, പങ്കെടുക്കുന്ന എല്ലാ കടകളിലെയും ഉപഭോക്താക്കൾക്ക് സൗജന്യ കോഫി ലഭിക്കുമോ, അതോ ചിലർക്ക് മാത്രമാണോ അവസരം ലഭിക്കുകയെന്നോ ദുബൈ മുനിസിപ്പാലിറ്റി വ്യക്തമാക്കിയിട്ടില്ല. 

The Dubai Municipality is distributing free coffee to the public across the emirate from November 30 to December 3, 2025, as part of the 54th UAE National Day celebrations, promoting community spirit and festive cheer.